بەلگياعا لاڭكەستىك قاۋىپ ءتوندى

ولاردىڭ كوشباسشىسى بريۋسسەلدە تۇراتىن فرانسيا ازاماتى ابدەلحاميد اباۋد ەدى، ول 13- قاراشادا فرانسياداعى بىرنەشە جارىلىستى ۇيىمداستىرعان بولاتىن. ول ءتارتىپ ساقشىلارىنىڭ سەن-دەني قالاسىنداعى ارنايى وپەراتسياسى بارىسىندا قازا تاپقان بولاتىن. بەلگيا پوليتسەيلەرىنىڭ مالىمەتىنشە، اباۋدتىڭ ەكى سىبايلاسى بۋزيد پەن كايال ءالى دە بوستاندىقتا ءجۇر. بەلگىلى بولعانداي، وسى ەكەۋى پاريجدەگى لاڭكەستىك ارەكەتتەردى SMS- حابارلاما ارقىلى ۇيىمداستىرىپ وتىرعان. 4- جەلتوقساندا ەكى سودىرعا ىزدەۋ جاريالاندى.

فرەدەريك ۆان ليۋۆ، بەلگيانىڭ فەدەرالدىق پروكۋرورى:

- ءبىزدىڭ بىلۋىمىزشە، لاڭكەستەر مۇنداي داتالارعا ەرەكشە ءمان بەرەدى. بىلتىر 15- قاڭتاردا ۆەرۆەدە تەرروريزمنىڭ الدىن العانىمىز ايان. بيىل سول وقيعاعا 1 جىل تولىپتى. سوندىقتان بيىل دا لاڭكەستىكتىڭ بولماسىنا كىم كەپىل. ارنايى جاساق تۇرعىنداردىڭ قاۋىپسىزدىگى ءۇشىن امال-ايلانىڭ ءبارىن جاساپ جاتىر.

24 kz