دۋبايدا ورتەنگەن قوناق ءۇيدىڭ الدىندا سەلفي جاساعان جاستار قاماۋدان بوساتىلدى

دۋبايدا جاڭا جىل قارساڭىندا ورتەنگەن Address Downtown قوناق ءۇيىنىڭ الدىندا تۇرىپ فوتوعا تۇسكەن جىگىت پەن بويجەتكەن قاماۋدان بوساتىلدى، دەلىنگەن Dubai Media Office مالىمدەمەسىندە.

دۋبايدىڭ باس پروكۋرورى يسام ءال-حۋمەيدان فوتوسۋرەت اۆتورلارىنا قارسى قوزعالعان قىلمىستىق ءىستى جابۋ تۋرالى شەشىم قابىلدادى، سەبەبى ولاردىڭ ارەكەتتەرىنەن قاستىق نيەت انىقتالماعان.

الايدا، مالىمدەمە جاساۋشى باس پروكۋرور كوپشىلىكتى الەۋمەتتىك جەلىلەرگە كەز كەلگەن ماتەريالدار ورنالاستىرۋدان ساق بولۋعا شاقىردى.

ەستەرىڭىزگە سالا كەتسەك، جاستاردىڭ ورتەنىپ جاتقان بيىك عيماراتتىڭ الدىنا تۇسكەن فوتوسۋرەتى اۋەلى تۋيتتەر الەۋمەتتىك جەلىسىندە پايدا بولىپ، كەيىن ونى الەمدىك ب ا ق تاراتقان بولاتىن.