ءتىس شەتكاسىنىڭ تاريحى

ەڭ العاشقى رەت ءتىس شەتكاسى رەتىندە ب. ز. د 3500 - جىلى ەجەلگى ەگيپەت پەن ۆاۆيلوندا اعاش بۇتاقتارى قولدانىلعان. ب. ز. د 1600 - جىلدارى قىتايلار جاعىمدى تىنىس ءۇشىن حوش ءيىستى اعاش بۇتاقتارىن پايدالانا باستادى. ال، 1400 - جىلدارى قىتايلىقتار شوشقا قىلىنان، سۇيەك پەن بامبۋكتان جاسالعان ساپتى ءتىس شەتكالارىن قولداندى.

«ءتىس شەتكاسى» («toothbrush») دەگەن ءسوز العاش رەت 1690 - جىلى ەنتوني ۆۋدتىڭ اۆتوبيوگرافياسىندا ايتىلدى. 1600 - جىلدارى فرانسۋز ستوماتولوگتارى ونى پايدالانۋدى بەلسەندى تۇردە جارنامالاي باستايدى.

قازىرگى ءتىس شەتكاسىنا ۇقساس قۇرالدى 1780 - جىلى شوشقا قىلى جانە ءمۇيىزدى قوي سۇيەگىنەن اعىلشىن تۇرمەسىندە ۋيليام ادديس جاسادى. ال، ءتىس شەتكاسىنا العاش پاتەنتتى 1857 - جىلى امەريكالىق ۋودسۆورف الدى.

1954 - جىلى شۆەيتسارلىقتار العاشقى ەلەكترلى ءتىس شەتكاسىن ويلاپ تاپتى.

2003 - جىلى ءتىس شەتكاسى ادامزاتتىڭ ەڭ قاجەتتى ونەرتابىسى رەتىندە لەمەلسون سىيلىعىن يەلەندى.