وباما قارۋ ساتۋدى شەكتەۋ جايىن ايتىپ تۇرىپ، جىلاپ جىبەردى
امەريكادا جاپپاي كىسى ءولىمى وبامانىڭ پرەزيدەنتتىگى كەزىندە ءتىپتى قاتتى بەلەڭ الدى.
اق ءۇيدىڭ كونگرەستى قارۋ ساۋداسىنا باقىلاۋ جاساۋ تۋرالى زاڭدى كۇشەيتۋ جونىندەگى بارلىق ۇسىنىستارى رەسپۋبليكاشىلدار مەن قارۋ- جاراق ساتىلىمىنا مۇددەلى بولىپ وتىرعاندار تاراپىنان قاتتى قارسىلىققا ۇشىراۋمەن بولدى. سوندىقتان وباما ءبارىن ءوزىنىڭ قولىنا الىپ، پرەزيدەنتتىك جارلىعىمەن تاپانشا مەن اۆتومات ساتۋشىلارعا ساتىپ الۋشىلاردى تەكسەرۋدى مىندەتتەيتىن قاۋلى شىعاردى.
«ءبىز پلانەتاداعى جاپپاي كىسى ءولىمى ۇدايى بولىپ تۇراتىن جالعىز ەلمىز. باسقا بىردە- ءبىر ەل بۇعان ءتىپتى جاقىن دا كەلمەيدى. ءبىراق بىزدە بۇل پروبلەمانى وڭدى ەتىپ شەشۋ ورنىنا، ول وتكىر ساياسي تالاستاردىڭ تاقىرىبىنا اينالىپ كەتتى» ، - دەدى باراك وباما.
قارۋ- جاراق ساۋداسىن باقىلاۋدا ۇستاۋ كەرەك ەكەنىن ا ق ش پرەزيدەنتى امەريكا قالالارى كوشەلەرىندە مىلتىق وعىنان قازا تاپقان ادامداردىڭ تۋىستارى مەن جاقىندارىنىڭ ورتاسىندا تۇرىپ ايتتى. وسىنى ايتىپ تۇرعاندا وباما تولقىعاننان كوزىنە جاس الدى.
ras.kz
