ف. موگەريني ق ح د ر- دى الەمدىك قوعامداستىقپەن ديالوگتى جاڭارتۋعا شاقىردى
بۇل تۋرالى سارسەنبىدە شەتەل ىستەرى جانە قاۋىپسىزدىك ساياساتى جونىندەگى ەۋروپالىق وداقتىڭ جوعارى وكىلى فەدەريكا موگەريني تاراتقان مالىمدەمەدە ايتىلدى.
«ك ح د ر ۇكىمەتى بۇگىن تاڭەرتەڭ يادرولىق سىناق جۇرگىزەتىنى تۋرالى مالىمدەدى. ەگەر بۇل اقپارات راستالسا، وندا بۇل ارەكەت ك ح د ر ب ۇ ۇ قاۋىپسىزدىك كەڭەسىنىڭ بىرنەشە قارارىندا بەكىتىلگەن يادرولىق قارۋدى شىعارماۋ نەمەسە سىناقتان وتكىزبەۋ تۋرالى حالىقارالىق مىندەتتەمەلەردى ەلەۋلى بۇزعان بولىپ سانالادى. بۇل سونداي-اق، سولتۇستىك شىعىس ازياداعى بەيبىتشىلىك جانە قاۋىپسىزدىككە قاۋىپ توندىرەدى»، - دەپ اتاپ وتىلگەن حابارلامادا.
ەۋروپالىق ديپلوماتيا باسشىسى ك ح د ر ديپلوماتيالىق كۇشتەردىڭ جاعدايىن تۇسىنۋگە جانە كورەي جارتى ارالىنىڭ يادرولىق قارۋدان ازات ەتۋ بويىنشا التىجاقتى كەلىسسوزدى جاڭارتۋعا شاقىردى.
ەسكە سالساق، سارسەنبىدە سولتۇستىك كورەيا سۋتەكتى بومبانى ءساتتى سىناقتان وتكىزگەنى جايلى مالىمدەگەن. ب ا ق دەرەكتەرىنە سايكەس، بومبا قۋاتى بولجاممەن، التى كيلوتوننانى قۇراعان. وسىعان بايلانىستى ب ۇ ۇ قاۋىپسىزدىك كەڭەسى سارسەنبىدە جوسپاردان تىس كەزدەسۋ وتكىزەدى. وتىرىس نيۋ-يورك ۋاقىتىمەن ساعات 11:00 گە تاعايىندالعان.
