سولتۇستىك كورەيا سۇڭگۋىر كەمەسىنەن بالليستيكالىق زىمىران ۇشىردى
«ءبىز وتكەن ايدا سولتۇستىك كورەيانىڭ سۋ استىنان بالليستيكالىق زىمىران ۇشىرىلىمىنىڭ سىنالۋىن انىقتادىق»، - دەپ مالىمدەگەن اگەنتتىككە دەرەككوز. ونىڭ مالىمەتىندە، «تالداۋ قورىتىندىسىنا سەنسەك، ۇشىرىلىم ويداعىداي اياقتالماعان»، دەپ كورسەتىلگەن.
قورعانىس سالاسىنىڭ قىزمەتكەرى اقپارات اگەنتتىگىنە سولتۇستىك كورەيانىڭ تەڭىزدەگى بالليستيكالىق زىمىران جاساۋ ءۇشىن بارىنشا تىرىسىپ جاتقاندىعىن اتاپ وتكەن.
امەريكالىق باسىلىم Washington Free Beacon كەشە وسى وقيعا بويىنشا، ۇشىرىلىمنىڭ 21 - جەلتوقساندا وتكەندىگىن حابارلادى. زىمىران جاپون تەڭىزىندەگى سولتۇستىك كورەيانىڭ سينپحو پورتىندا سۇڭگۋىر كەمەدەن ۇشىرىلعان. باسىلىم سىلتەمە جاساعان اسكەريلەر سىناقتىڭ ءساتتى وتكەندىگىن ءمالىم ەتكەن.
ۆاشينگتونداعى امەريكا- كورەي ينستيتۋتى سىناقتىڭ جالعاسىپ كەلە جاتقاندىعىن ءمالىم ەتتى. عىلىمي ورتالىقتىڭ قورىتىندىسىندا سپۋتنيكتەن تۇسىرىلگەن سۋرەتتەر ۇسىنىلعان. امەريكالىق ساراپشىلار سۋرەتتەردى تالداي كەلە «21 -جەلتوقساندا سولتۇستىك كورەيا «سينپحو» سۇڭگۋىر كەمەسىنەن KN-11 بالليستيكالىق زىمىرانىن ۇشىرۋعا ارەكەت جاساعان» دەگەن تۇجىرىمعا كەلىپ وتىر. باتىستىق دەرەككوزدەردىڭ مالىمەتى بويىنشا، بۇل وقيعادان ءبىر اي بۇرىن ك ح د ر سۋ استىنان زىمىران ۇشىرۋعا ارەكەتتەنىپ ساتسىزدىككە ۇشىراعان. سول جولى «كورە» (كيت) سۇڭگۋىر كەمەسىنە زاقىم كەلگەن بولاتىن.
