ۋكراينادا «ۋكراينا قاھارمانى» اتاعى بار انشىگە «ساتقىن» دەگەن اتاق تاڭىلىپ جاتىر
بۇل تۋرالى bloknot.ru حابارلادى، دەپ جازادى ras.kz.
«ءانشىنىڭ «روسسيا-1» تەلەارناسىندا كونسەرتكە قاتىسۋى ۋكراينالىقتاردىڭ قاتتى اشۋ- ىزاسىن تۋعىزدى»، - دەلىنگەن حابارلامادا.
ۆولونتەر ريچارد گوردا ءوزىنىڭ Facebook الەۋمەتتىك جەلىسىندەگى پاراقشاسىنا ۋكراينانىڭ 68 جاستاعى حالىق ءارتىسىنىڭ فوتوسى مەن ۆيدەوسىن ورنالاستىرعان. «ءبىزدىڭ تالقىمىزعا. 2015-2016 ج ج. «روسسيا تەلەارناسىنداعى جاڭاجىلدىق كونسەرت. بۇل مونتاج ەمەس، بۇل - شىندىق. پاتريوتتار ۋكراينانى قورعاپ، قازا تاۋىپ جاتقاندا، سوفيا روتارۋ «روسسيادا» كوڭىل كوتەرەدى. ءبىزدىڭ ۇرپاق ونىڭ اندەرىمەن ەر جەتتى، ءبىراق مەن ءۇشىن ول ەندى جوق ادام...»، - دەپ جازادى گوردا.
وسىدان كەيىن ۇلتشىلدار 2002 -جىلى «ۋكراينا قاھارمانى» اتاعىن العان ايگىلى ءانشىنىڭ ارەكەتىنە وزدەرىنىڭ قىزۋ قارسىلىقتارىن بىلدىرە باستايدى.
«مەن ەستەن تانىپ تۇرمىن... ول بۇعان قالاي بارعان؟؟؟ جاقىندا عانا روتارۋ سۇحبات بەرىپ، وندا انشىگە نەگە ءوز كونسەرتىن قويمايتىنى تۋرالى سۇراق قويىلدى. بۇعان روتارۋ ءوز ەلىندە سوعىس ءجۇرىپ، ادامدار قىرىلىپ جاتقان ساتتەردە كوڭىل كوتەرە المايتىنىن ايتىپ، جاۋاپ قايتارعان ەدى... مەن ونى شىنىن ايتىپ تۇر دەپ ويلاعام... ءبىراق ولاي بولماي شىقتى... مەنىڭ ول جونىندەگى پىكىرىم جاقسى-تىن».
«ول مۇنى بەكەر جاسادى. بىلايىنشا، اقىلدى-اق سياقتى. بۇل وعان تاعى ءبىر مينۋس!».
«روتارۋ 2004 -جىلى «ايماقتار پارتياسىن» كوپشىلىك الدىندا جاقتاپ، جۇرتتى «بۇل دەگەنىڭ - كادىمگى بيزنەس. ال سىزگە پاتريوتيزم كەرەك بولسا، اناستاسيا پريحودكوعا ايتىڭىز. مىنە، تاپ سوندىقتان عانا ونىڭ اتى ب ا ق- تاردان ەستىلمەيدى. پاتريوتتى باسقارۋ قيىن، ول بيلىك ءۇشىن جامان ۇلگى».
«ادامدار، روتارۋ كىم ءۇشىن ونسىز تۇرۋى مۇمكىن ەمەس سۇيىكتى ءانشى؟ مەن وندايدى 30 جىلدان بەرى كورگەن جوقپىن».
ۇلتشىلدار سوفيا روتارۋدى قازىر مەملەكەتتى ساتۋشى رەتىندە ساناپ، ونى «ۋكراينا قاھارمانى» اتاعىنان ايىرۋدى سۇراپ جاتىر. ولار تاپ وسىنداي بۋىرقانعان نارازىلىقتى قالجىڭباس «كروليكتەر» دۋەتى (ۆلاديمير دانيلەتس، ۆلاديمير مويسەەنكو) مەن ءانشى ناتاليا كورولەۆاعا دا ءبىلدىرىپ وتىر.
Stan.kz
