سولتۇستىك كورەيا سۋتەگى بومباسىن ءساتتى سىناعانىن جاريا ەتتى
سولتۇستىك كورەيانىڭ مەملەكەتتىك ارناسىنان بۇل اقپاراتتى جاريا ەتكەنگە دەيىن، بىرنەشە ساعات بۇرىن ا ق ش- تىڭ گەولوگيالىق قىزمەتى ەلدىڭ سولتۇستىك- شىعىسىنداعى يادرولىق پوليگونداردىڭ بىرىنەن ماگنيتۋداسى 5,1 جەر استى دۇمپۋلەرىن تىركەگەن.
«بۇل سىناق سولتۇستىك كورەيانىڭ يادرولىق كۇشتەرىن جاڭا دەڭگەيگە جەتكەنىن بىلدىرەدى»، - دەلىنگەن سولتۇستىك كورەيالىق رەسمي ب ا ق- تا جاريالانعان ۇكىمەتتىڭ مالىمدەمەسىندە.
سۋتەگى بومباسىن سىناۋ - بۇل «چۋچحە توڭكەرىسشىل يدەالدار جەڭىسىن جاقىنداتا تۇسىرەتىن، ءبىزدىڭ تاريحىمىزعا ەنگىزىلەتىن... الەمدى ءدۇر سىلكىندىرگەن وقيعا»، دەلىنگەن مالىمدەمەدە.
نيۋ- يوركتە ب ۇ ۇ قاۋىپسىزدىك كەڭەسى توتەنشە كەزدەسۋگە جينالاتىندىعى جاريا ەتىلدى.
وتكەن جەلتوقسان ايىندا سولتۇستىك كورەيا باسشىسى كيم چەن ىن پحەنيان ءوزىنىڭ سۋتەگى بومباسىن جاساپ شىققاندىعىن مالىمدەگەنىمەن، وعان حالىقارالىق قوعامداستىق سەنە قويماعان بولاتىن.
