اق جەيدەدەگى تەردىڭ داعىن كەتىرۋ جولى

استانا. قازاقپارات - اق جەيدەنىڭ كوبىنە قولتىق تۇسىندا سارى داق قالادى. ارينە تەردىڭ ءىزى. ول داقتى قولمەن جۋساڭىز دا، كىر جۋاتىن ماشينامەن جۋساڭىز دا، ورنى قالىپ قويادى.

سارى داقتى كەتىرۋدىڭ جولى بار. سىزگە كەرەك ءبىر- اق نارسە، ول - اسپيرين (اتسەتيلساليتسيلوۆايا كيسلوتا) .

ەكى تابلەتكا ءاسپيريندى ۇقىپپەن مايدالاڭىز. ىدىسقا (ۇلكەن ىدىس ەمەس، شاعىن ىدىس تاڭداعانىڭىز دۇرىس، ويتكەنى، جارتى ستاقان سۋدى تاپپاي قالۋىڭىز مۇمكىن) مايدالانعان اسپيرين مەن كىر جۋۋ ۇنتاعىن سالىپ، ۇستىنە جارتى ستاقان جىلى سۋ قۇيىڭىز. قوسپانى جاقسىلاپ ارالاستىرىپ، اق جەيدەڭىزدىڭ داق تيگەن جەرىن سول قوسپاعا مالىپ الىپ، ىسقىلاڭىز.

ابدەن ىسقىلاپ بولعاننان كەيىن وسى سۇيىقتىق ىشىندە جەيدەنىڭ داق تيگەن جەرىن 1-2 ساعاتقا قالدىرا تۇرىڭىز. ۋاقىت وتكەن سوڭ جەيدەنى قاراپايىم كىر جۋۋ ادىسىمەن جۋىپ الاسىز.

ناتيجەسى ءسىزدى قۋانتادى: داقتار «وزىنەن- ءوزى» جوق بوپ كەتەدى.

Alashainasy.kz