قىتايدا العاشقى «زاڭدى ەكىنشى بالالار» دۇنيەگە كەلدى
دەپ جازدى gbtimes.com پورتالى.
قىتايلىق ب ا ق حابارلاعانداي، 2016 - جىلى 1 - قاڭتاردا ساعات 0:00 كەيىن تۋعاندار عانا زاڭدى قۇقىققا يە بولعان.
وسىعان بايلانىستى جۇكتى ايەلدەر ءسابيىن 1 - قاڭتاردا دۇنيەگە اكەلۋگە تىرىسقان.
وسىلايشا، فۋجيان پروۆينتسياسى سزيانچجوۋ قالاسىنىڭ تۇرعىنى قىزىن 2016 - جىلدىڭ 1 - قاڭتارىندا ساعات 2:46 دۇنيەگە اكەلگەن. جەرگىلىكتى ب ا ق- قا بەرگەن سۇحباتىندا تەگى يان ايەل قىزدى 2016 - جىلى دۇنيەگە اكەلۋ ءۇشىن قولىنان كەلگەنىن جاساعانىن ايتتى. كوزدەگەنىنە جەتىپ، قىز زاڭدى ەكىنشى بالاسى اتاندى.
ال سزيانچجوۋ قالاسىنىڭ تاعى ءبىر ۋ دەگەن تۇرعىنى 2016 - جىلدىڭ 1 - قاڭتارىندا بوسانۋى ءتيىس ەدى. الايدا ۇل جاڭا جىلعا بىرنەشە مينۋت قالعاندا دۇنيەگە كەلگەن، ياعني ول 2015 - جىلى تۋدى. 2015 - جىلدا كۇشىنە يە زاڭ بويىنشا ەرلى- زايىپتىلاردا ەكىنشى بالانى دۇنيەگە اكەلۋ قۇقىعى بولماعاندىقتان، ولار 100 مىڭ يۋان (15 360 ا ق ش دوللارى) كولەمىندە ايىپپۇل تولەۋگە ءماجبۇر بولدى.
ال چەن جانۇياسىندا ەكىنشى ءسابي 27 - جەلتوقساندا دۇنيەگە كەلۋى ءتيىس ەدى. ەرلى- زايىپتىلار 80 مىڭ يۋان (12288 ا ق ش دوللارى) كولەمىندە ايىپپۇل تولەۋگە دايىن بولعان. الايدا ۇلدارى 1- قاڭتاردا ساعات 10:18 دۇنيە ەسىگىن اشىپ، زاڭدى بالا اتاندى. اكەسى ۇلىن باۆان دەپ اتايتىنىن ايتتى. ول قىتاي تىلىنەن اۋدارعاندا «80 مىڭ يۋان» دەگەندى بىلدىرەدى ەكەن.
2002 -جىلدان كۇشكە يە بولعان زاڭعا سايكەس، ەكىنشى بالانى تۋۋعا تىيىم سالىنعان زاڭدى بۇزعانى ءۇشىن ايىپپۇل سالعاندا، وتباسىنىڭ تابىسىنا قاراعان.
ق ح ر- دا تۋۋدى شەكتەۋ ساياساتى 1970 - جىلداردىڭ ورتاسىنان باستالعان. ەڭبەك رەسۋرستارى تاپشىلىعىنىڭ ءوسۋى جانە تۇرعىنداردىڭ تەز قارتايۋى ماسەلەسىنە تاپ بولعان قىتاي 2013 - جىلى ەرلى- زايىپتىلاردىڭ ءبىرى جالعىز بالا بولعان جاعدايدا بۇل جۇپقا ەكىنشى بالانى دۇنيەگە اكەلۋگە رۇقسات بەردى.
ەكىنشى بالانى دۇنيەگە اكەلۋ تىيىمىن الىپ تاستاۋ شەشىمى 2015 - جىلدىڭ سوڭىندا قابىلداندى.
