ق ح ر- دا ماۋزىدۇڭنىڭ التىن جالاتىلعان الىپ ءمۇسىنى ورناتىلدى
الىپ مونۋمەنتتى جەرگىلىكتى بيزنەسمەندەر جاساتقان.
جەرگىلىكتى ب ا ق حابارلاعانداي، ولار ءمۇسىننىڭ قۇرىلىسى ءۇشىن شامامەن 3 ميلليون يۋان (شامامەن 460 مىڭ دوللار) جيعان. اقشانى جيناۋعا ماڭايداعى اۋىلداردىڭ كەي تۇرعىندارى دا قاتىستى، دەپ حابارلادى The People's Daily.
ماۋزىدۇڭنىڭ ءمۇسىنى حىنان پروۆينتسياسىنىڭ تۋنسيۋي ۋەزىندە ورناتىلادى.
1950 - جىلداردىڭ سوڭىندا حىنان اشارشىلىقتان ەڭ كوپ زارداپ شەككەن پروۆينتسيالاردىڭ ءبىرى بولدى. بۇل ماۋ جۇرگىزگەن ساياساتتىڭ ناتيجەسى بولعان.
قىتايلىق الەۋمەتتىك جەلىلەردە مۇسىنگە قاتىستى حالىقتىڭ پىكىرى ەكىگە ءبولىندى. بىرەۋلەرى جەر دۇرىس تاڭدالماعانىن، ال قۇرىلىسقا جۇمسالعان اقشانى وزگە باعىتقا ءبولۋ كەرەك ەدى دەپ ساناسا، ەندى بىرەۋلەرى اۋىل شارۋاشىلىعىنىڭ الاڭىندا بوي كوتەرەتىن ءمۇسىن ق ح ر- دىڭ ءبىرىنشى ءتوراعاسىن ماڭگى ەستە ساقتاۋ ءۇشىن جاسالعان جاقسى شارا دەپ وتىر.
