بەيجىڭدە ساتىلاتىن جەر كولەمى كۇرت ارتتى

استانا. قازاقپارات - بەيجىڭدە 2015 -جىلى ساتىلعان جەر تەلىمدەرى 196,5 ميلليارد يۋاندى (30,2 ميلليارد ا ق ش دوللارى) قۇراپ، 2,5 ەسەگە ءوستى.

بۇل تۋرالى دۇيسەنبى كۇنى جەرگىلىكتى بيلىك ءمالىم ەتتى، دەپ حابارلايدى شينحۋا.

استانالىق جەر جانە تابيعي رەسۋرستار باسقارماسىنىڭ اقپاراتتارىنا قاراعاندا، وتكەن جىلى ەلدە 694 گەكتار جەر ساتىلعان.

ساتىلىمنىڭ وسۋىنە بەيجىڭدىك جىلجىمايتىن مۇلىك نارىعىنداعى جاعدايدىڭ جاقسارۋى ىقپال ەتكەن. 2010 - 2015 -جىلدار ارالىعىندا 4969 گەكتار جەردىڭ ساتىلۋىنان قالا قازىناسىنا 723,2 ميلليارد يۋان قۇيىلدى.

سونداي-اق وسى بەس جىلدىڭ ىشىندە بەيجىڭ بيلىگى بيۋدجەتتىك تۇرعىن ءۇي قۇرىلىسىنا 4166 گەكتار جەر بولگەن.