ۇشقىش-عارىشكەر ايدىن ايىمبەتوۆ جاڭا قىزمەتكە تاعايىندالدى - فوتو
ا. ايىمبەتوۆتى «قازاقستان عارىش ساپارى ۇ ك» ا ق- نىڭ عارىش جۇيەلەرىن قۇرۋ جانە پايدالانۋ بويىنشا ۆيتسە- پرەزيدەنتى رەتىندە تاعايىنداۋ تۋرالى بۇيرىققا 2016 -جىلدىڭ 5 -قاڭتارىندا قول قويىلدى، دەپ حابارلايدى كومپانيانىڭ باسپا ءسوز قىزمەتىنەن.
«قازاقستان عارىش ساپارى ۇ ك» ا ق پرەزيدەنتىنىڭ مىندەتتەرىن اتقارۋشى مارات نۇرعوجين كومپانيانىڭ ۇجىمىنا جاڭا ۆيتسە-پرەزيدەنتتى تانىستىردى.
«كومپانيا جەردى قاشىقتىقتان زوندتاۋ عارىشتىق جۇيەسى مەن دالدىگى جوعارى سپۋتنيكتىك ناۆيگاتسيا جۇيەسىنىڭ پايدالانىلۋىن جۇرگىزۋدە جانە مەن ءسىزدىڭ كومپانيامىزدىڭ جۇمىسىنىڭ بۇل ماڭىزدى باعىتىن اتقارا الاتىڭىزعا سەنىمدىمىن»، - دەپ اتاپ ءوتتى م. نۇرعوجين.
ايدىن ايىمبەتوۆ كومپانيا باسشىسىمەن بىرگە ءجۇرىپ، جەردى قاشىقتىقتان زوندتاۋ عارىشتىق جۇيەسى مەن دالدىگى جوعارى سپۋتنيكتىك ناۆيگاتسيا جۇيەسىنىڭ بارلىق بولىمشەلەرىنىڭ جۇمىسىمەن تانىسىپ، ءبىرىنشى جۇمىس كەڭەسىن وتكىزدى.
«مەن قازعارىش جۇيەسىندە جۇمىس ىستەدىم جانە جۇمىسىمدى جالعاستىرامىن»، - دەدى بەرگەن قىسقا سۇحباتىندا «قازاقستان عارىش ساپارى ۇ ك» ا ق- نىڭ عارىش جۇيەلەرىن قۇرۋ جانە پايدالانۋ بويىنشا ۆيتسە-پرەزيدەنتى ايدىن ايىمبەتوۆ. «قازىرگى كەزدە قازعارىش باسشىلىعى ماعان جاڭا عارىش تەحنولوگيالارى، قازاقستاندىق عارىش جۇيەلەرىنىڭ ونىمدەرىن جىلجىتۋمەن بايلانىستى جۇمىستىڭ وتە ماڭىزدى ۋچاسكەسىن سەنىپ تاپسىردى، جانە مەن مىندەتىمدى ورىندايمىن»، - دەدى ۇشقىش- عارىشكەر ا. ايىمبەتوۆ.
