پاۆلودارلىق وقىتۋشى رەسپۋبليكاداعى ەڭ ۇزدىك مۇعالىم اتاندى
وبلىستىق ءبىلىم بەرۋ باسقارماسى ۇسىنعان اقپاراتقا سۇيەنسەك، نۇرلان جانسۇگىروۆ بۇل ماراپاتتى جاستاردى پاتريوتتىق تاربيەلەۋگە قوسقان ۇلەسى ءۇشىن العان.
«ءبىلىم بەرۋ جۇيەسىندە وقىتۋشى 30 جىلدان اسا جۇمىس ىستەيدى، جوعارى ساناتقا يە. ول كوپ جىلدىق ەڭبەگى ءۇشىن «قازاقستان رەسپۋبليكاسىنىڭ قارۋلى كۇشتەرىنە 20 جىل» مەدالىمەن، «ەلەۋلى ەڭبەگى ءۇشىن» ءتوس بەلگىسىمەن، ق ر قارۋلى كۇشتەرىنىڭ قورعانىس ءمينيسترىنىڭ، پاۆلودار وبلىسى ءبىلىم باسقارماسىنىڭ گراموتالارى جانە العىس حاتتارىمەن ماراپاتتالعان.
نۇرلان جانسۇگۇروۆ بايقاۋعا وبلىستىق ءبىلىم بەرۋ باسقارماسىنىڭ ايماقتىق وقۋ- تاجىريبەلىك دەنە تاربيەسى ورتالىعىنىڭ ادىستەمەلىك كەڭەسىنىڭ مۇشەسى رەتىندە ءوز پورتفوليوسىن ۇسىندى. سونداي-اق اسكەري-پاتريوتتىق جۇمىستى ۇيىمداستىرۋشى جەكە تابىستارى مەن تاربيەلەنۋشىلەرىنىڭ جەتىستىكتەرى تۋرالى باياندادى، - دەيدى وبلىستىق ءبىلىم بەرۋ باسقارماسىنىڭ مامانى بالجان ءادىلحانوۆا.
رەسپۋبليكالىق كونكۋرس اقتوبە قالاسىندا حالىقارالىق ەكولوگيا جانە ينجەنەريا عىلىمدارىنىڭ اكادەمياسىمەن وتكىزىلدى. كونكۋرسقا مەملەكەتتىك ءبىلىم بەرۋ مەكەمەلەرىندە جۇمىس ىستەيتىن ءا ا د جانە دەنە تاربيەسى مۇعالىمدەرى قاتىسقان.
