17:48, 05 - قاڭتار 2016 | GMT +5
وتكەن بەس كۇندە پويىز ءتورت ادامدى قاعىپ كەتكەن - قازاقستان تەمىر جولى
استانا. قازاقپارات - وتكەن بەس كۇندە پويىز ءتورت ادامدى قاعىپ كەتتى.
بۇل تۋرالى «قازاقستان تەمىر جولى» ۇ ك» ا ق باسپا ءسوز قىزمەتىنەن حابارلادى.
ستاتيستيكالىق مالىمەتتەر، زارداپ شەككەندەردىڭ تەمىر جول قاۋىپسىزدىگى ەرەجەلەرىن بۇزۋ وقيعالارىنىڭ بەلگىلەنبەگەن جەردەن وتۋگە قاتىستىلىعىن كورسەتەدى.
2 -قاڭتاردا جاڭا قاراعاندى ستانسياسىندا كامەلەتكە جەتپەگەن ەكى قىز تەمىر جولدى بەلگىلەنبەگەن جەردەن كەسىپ ءوتىپ، سونىڭ سالدارىنان ۇلكەنى قازا تاپتى. ءسىڭلىسى قاراعاندىعا اۋرۋحاناعا جەتكىزىلدى. تەمىر جولداعى وقىس وقيعا سالدارىنان جامباسى سىنعان. اپالى- سىڭلىلەر جاقىن ماڭداعى سيرككە اسىققان.
«قازاقستان تەمىر جولى» ۇ ك» ا ق باسشىلىعى تۇرعىندارعا تەمىر جول ماڭى قاۋىپتى ايماق ەكەندىگىن ەسكەرتىپ، بارىنشا اباي بولۋ كەرەكتىگىن ەسكەرتەدى.
جول بويىندا قاۋىپسىزدىك ەرەجەلەرىن ساقتاماۋ قايعىلى جاعدايلارعا سوقتىرادى.
