كۋۆەيت تەگەرانداعى ەلشىنى كەرى قايتاراتىن بولىپ شەشتى
كۋۆەيت ۇكىمەتىنىڭ مالىمدەمەسىندە ەلشىنى كەرى قايتارۋ ەكى ەلدىڭ ديپلوماتيالىق قاتىناستارىنا قالاي اسەر ەتەتىنى ناقتىلانبايدى، دەپ جازىلعان حابارلامادا.
تەگەراندا ساۋد ەلشىلىگىنە جاسالعان شابۋىل ەر-ريادتاعى بەلگىلى شەيىت ۋاعىزداۋشىسىن ءولىم جازاسىنا كەسكەننەن كەيىن ورىن الدى. ساۋد ارابياسى ءوز ديپميسسياسىنا شابۋىلدان كەيىن يرانمەن ديپلوماتيالىق قاتىناستى ءۇزىپ، ەل اراسىنداعى ساۋدا بايلانىستارى مەن اۋە قاتىناستارىن توقتاتقانى تۋرالى مالىمدەدى.
ونى ءبىرقاتار افريكا جانە تاياۋ شىعىس مەملەكەتتەرى قولدادى.
ب ۇ ۇ قاۋىپسىزدىك كەڭەسى تەگەراندى ەل اۋماعىنداعى ديپلوماتيالىق ميسسيانى ءتيىمدى قورعاۋعا شاقىرا وتىرىپ، ەلشىلىككە جاسالعان شابۋىلدى تالقىلادى.
ساۋد ارابياسى - تاياۋ شىعىستاعى باس ءسۇننيت دەرجاۆاسى، يراندا شەيىت رەجىمى بيلىك ەتەدى. ەر-رياد پەن تەگەران سيريا مەن يەمەندەگى قاقتىعىستاردا قارسى جاقتى قولدايدى.
ب ۇ ۇ، ا ق ش، تۇركيا ءوڭىر ەلىن ۇستامدىلىققا شاقىردى.
