وتاندىق ءۇش اۋە كومپانيا جۇمىستارىن توقتاتۋى مۇمكىن
وسى رەتتە ەلىمىزدىڭ بىرنەشە اۋە كومپانياسىندا اتالمىش سەرتيفيكات جوق دەپ ايىپتالۋدا.
سالدارىنان «بەك ەير»، «جەزقازعان ەير» جانە «جەتىسۋ ەير» اۋە كومپانيالارى جۇمىستارىن توقتاتۋى بەك مۇمكىن. الايدا اتالعان كومپانيالاردىڭ قولدارىندا قازاقستان اۋماعىندا ۇشۋعا ارنالعان قۇجاتتارى بار ەكەن. ياعني، 2017 -جىلدىڭ 24 -قاراشاسىنا دەيىن جۇمىسىمىزدى توقتاتپايمىز دەپ وتىر ولار. ويتكەنى 2015 -جىلدىڭ قاراشا ايىندا «بەك ەير» اۋە كومپانياسى ازاماتتىق اۆياتسيا كوميتەتىنەن ۇشۋ جونىندە كۋالىك العان ەكەن. سوعان سايكەس اۋە كومپانياسىنىڭ ماماندارى تۇتىنۋشىلاردىڭ ۋايىمداۋىنا ەش نەگىز جوق دەيدى. «IOSA» سەرتيفاتتى جوق دەپ ايىپتالعان قازاقستاندىق ءۇش اۋە كومپانياسى وزدەرىنە ادەيى قاستاندىق جاسالىپ وتىر دەگەندى العا تارتىپ الەك. ويتكەنى جەكەمەنشىك ۇشەۋ اتى دارداي بيلەت قۇنى قىمبات قازاقستانداعى وزگە اۋە كومپانيالارىنىڭ الدىن وراپ، ولاردى تۇتىنۋشىسىز قالدىرعان.
ايتا كەتەيىك، اتالمىش سەرتيفيكاتتى الۋ ءۇشىن ءار كومپانيا شامامەن 1 جارىم ميلليون دوللار جۇمساۋى ءتيىس.
almaty.tv
