بايان ەسەنتايەۆانىڭ قىزدارى ءوز سىرلارىمەن ءبولىستى

استانا. قازاقپارات - پروديۋسەر بايان ەسەنتايەۆانىڭ قىزدارى ايساۋلە مەن ايارۋ باقىتبەك وقىرماندارعا ءوزارا قارىم- قاتىناسى جايلى ايتىپ بەردى.

اپالى-ءسىڭلى قىزدار اڭگىمە اراسىندا جىگىت تۋرالى كوزقاراسىمەن دە بولىسە وتىردى، دەپ جازادى NUR. KZ Comode.kz-كە سىلتەمە جاساپ.

قازىر ايساۋلە جيىرماعا كەلگەن بويجەتكەن قىز بولسا، ايارۋ ون ەكى جاستاعى جەتكىنشەك. دەگەنمەن، قوس قۇربىداي بولىپ كەتكەن باۋىرلار ءبىر-بىرىمەن سىرلاسقاندى ۇناتادى ەكەن.

«ەكەۋمىز اپالى-ءسىڭلىلى عانا ەمەس، جاقىن قۇربىدايمىز. ول ماعان ءتىپتى قانداي ۇلداردى ۇناتاتىنىن ايتىپ وتىرادى. ونىڭ جاسى نەبارى ون ەكىدە. جىگىتكە ءالى ەرتە»، - دەيدى ايساۋلە ايارۋعا ەسكەرتىپ.

اپكەسىنە بار سىرىن ايتپايتىنىن مەڭزەگەن ايارۋ ۇيدەگىلەردىڭ كوپ نارسەنى بىلمەيتىنىن اتاپ ءوتتى. ەسەنتايەۆانىڭ كىشى قىزى قۇپياسىن مەكتەپتەگى التى قۇربىسىمەن بولىسكەندى قالايتىن كورىنەدى.

ايساۋلە ءسىڭلىسىنىڭ ءوسىپ قالعانىن كيىمدەرىن «يەمدەنىپ» العان كەزدە بايقاعانىن ايتادى.

«ءبىر جولى جاڭادان دجينسى مەن فۋتبولكا ساتىپ الدىم. ەرتەڭىنە قاراسام، ايارۋ مەنىڭ جاڭا كيىمدەرىمدى كيىپ، سەرۋەندەۋگە شىعىپ بارادى ەكەن. ايارۋدىڭ ەسەيىپ قالعانىن سول ساتتە سەزدىم»، - دەيدى ايساۋلە.

سونداي-اق، ايساۋلە ءسىڭلىسىنىڭ ءبىر رەنجىسە، سويلەمەي قوياتىن بىربەتكەي مىنەزىن دە ايتىپ ءوتتى. بىردە تۋىس اعاسى ارلانمەن سوزگە كەلىپ قالعان ايارۋ ونىمەن توعىز اي تىلدەسپەگەن ەكەن.