ساۋد ارابياسى مەن يران اراسىنداعى كيكىلجىڭ ءورشي ءتۇستى
ب ۇ ۇ قوس ەلدىڭ كوشباسشىلارىن كەلىسىمگە كەلۋگە شاقىرۋدا. داۋدىڭ باسى ارابتاردىڭ 47 ادامدى ءولىم جازاسىنا كەسۋىنەن باستالدى. ۇكىمگە نارازى بولعان يراندىقتار تەگەرانداعى امىرلىك ەلشىلىگىنە شابۋىل جاساعان. قارسى تاراپ جاۋاپ رەتىندە ەكى ەل اراسىنداعى ديپلوماتيالىق قارىم- قاتىناستى شورت ءۇزدى. وسى كيكىلجىڭگە وراي ەل پىكىرى ەكىگە جارىلىپ وتىر. بىرەۋلەر ءولىم جازاسىنا قارسىلىق تانىتسا، كەيبىرى تەرروريزممەن كۇرەستە بۇل ءتيىمدى ءتاسىل دەگەندى ايتادى. الەمنىڭ نازارى تاياۋ شىعىستا ۋشىققان وسى جاعدايعا اۋىپ تۇر.
ب ۇ ۇ بىتىمگەر رەتىندە ورشىگەن داۋدى شەشۋگە بارىنشا تىرىسىپ باعۋدا.
ستەفان ديۋجارريك، ب ۇ ۇ مەملەكەتتىك حاتشىسىنىڭ باسپا ءسوز جەتەكشىسى:
- ب ۇ ۇ- نىڭ ارنايى وكىلى ستاففان ميستۋر ەر-رياد پەن تەگەرانعا اتتاندى. جاعدايدى ۋشىقتارماي، باسقا پروبلەمالارعا ۇلاستىرىپ الماۋىمىز كەرەك. سوڭعى 5 جىلدا سيريادا قانشاما جازىقسىز جان تەرروريزمنىڭ قۇربانى بولدى. قاقتىعىستان كەلەر پايدا جوق. سوندىقتان قوس تاراپ كەلىسىمگە كەلىپ، ديپلوماتيالىق قارىم-قاتىناستى قايتادان جالعاۋى ءتيىس.
www.24.kz
