قازگيدرومەت: قاڭتارداعى جاۋىن - الماتىعا ءتان تابيعي قۇبىلىس

الماتى. قازاقپارات - كەشەدەن بەرى الماتىدا جاۋىن قۇيىپ تۇر. قىستىڭ قاھارىنا مىنەر قاڭتارىندا بولعان مۇنداي قۇبىلىستى سينوپتيكتەر وڭتۇستىك استانامىز ءۇشىن توسىن مىنەز ەمەس دەپ وتىر.

 «قازگيدرومەت» ر م ك الماتى بولىمشەسىنىڭ مەتەورولوگيالىق بولجاۋ ءبولىمىنىڭ باسشىسى سۆەتلانا امانقۇلوۆا قاڭتاردىڭ ورتاسىنا دەيىنگى اۋا رايى بولجامىمەن ءبولىستى.

«جەلتوقسان مەن قاڭتار ايلارىندا جاۋىننىڭ ارتى قارعا ۇلاسۋى الماتى ءۇشىن ءتان قۇبىلىس. مۇنداي اۋا رايى تاۋلى ايماق بوكتەرىندە ورنالاسقان اۋدانداردا ءجيى بولادى. مۇندا قىس جىلى. قازىر اۋا ماسساسى وڭتۇستىك باتىستان كەلىپ جاتىر. سوڭعى كۇندەرى الماتى +5+10 گرادۋس جىلى. 6 - قاڭتاردا جاۋىن- شاشىن توقتايدى. تۇنگى اۋا تەمپەراتۋراسى 3-5 گرادۋس بولسا، كۇندىزگى اۋا تەمپەراتۋراسى 0 گرادۋس شاماسىندا بولادى»، - دەدى سۆەتلانا امانقۇلوۆا.

ماماننىڭ ايتۋىنشا، پراۆوسلاۆتاردىڭ «كرەشەنيە» مەرەكەسى قارساڭىندا دا الماتىدا كۇن جىلى بولادى. «8-9- قاڭتاردا جاۋىن- شاشىن جاۋمايدى. تاعى دا وڭتۇستىكتەن جىلى سيكلون كەلىپ، جىلى اۋا رايى ورنايدى. الماتى وبلىسىندا ەڭ قاتتى دەگەندە 7-10 گرادۋس اياز بولۋى ىقتيمال»، - دەدى س. امانقۇلوۆا.

اۆتور: گۇلميرا عوسمانالي