امىرە قاشاۋبايەۆتىڭ رولىنە كاستينگ جاريالاندى
«قازاقفيلم» ا ق Moviq كينوكومپانياسىنىڭ تاپسىرىسىمەن اتاقتى ءانشى تۋرالى فيلم تۇسىرەتىندىگى تۋرالى الدىندا حابارلاعان بولاتىنبىز.
كارتيناعا وسكار يەگەرلەرى كەري گرانات پەن ەد دجونسون پروديۋسەرلىك ەتەتىن بولدى. فيلم اعىلشىن تىلىندە تۇسىرىلەدى. كاستينگكە ازيات ءناسىلدى ەر ادام قاتىسا الادى.
ءتۇسىرىلىم توبى 55-65 جاستاعى قازاق تىلىندە ەركىن سويلەيتىن ەر ادامدى ىزدەستىرىپ جاتىر.
سونداي- اق، مۇستافا شوقاي ءرولىن سومداۋ ءۇشىن 30-40 جاستاعى، اعىلشىن ءتىلىن «Intermediate» دەڭگەيىندە مەڭگەرگەن ەر ادام قاجەت.
ءتىلدى وسى دەڭگەيدە مەڭگەرگەن 25-35 جاستاعى جانە 55-65 جاستاعى ايەل ادام، قازاق تىلىندە ەركىن سويلەيتىن 13-16 جاستاعى بوزبالا كەرەك.
امىرە رولىنە 25-40 جاستاعى، اعىلشىن ءتىلىن «Upper Intermediate» دەڭگەيىندە مەڭگەرگەن، اكتەرلىك شەبەرلىگى شىڭدالعان، درامالىق تەنور داۋسى بار، دومبىرانىڭ قۇلاعىندا وينايتىن ەر ادام ىزدەستىرىلىپ جاتىر.
كاستينگكە قاتىسۋشىلارعا بەرىلگەن ءۇش ءاندى ورىنداپ، ۆيدەوسىن amre@cast.kz ادرەسىنە جىبەرۋ كەرەك. امىرە قاشاۋبايەۆ - ەۋروپانى ەڭ العاش قازاق ونەرىمەن تانىستىرعان اتاقتى ءانشى، اكتەر ءارى مۋزىكانت.
1925 -جىلى پاريجدە وتكەن بۇكىل دۇنيەءجۇزى كورمەسىندە «اعاش اياق»، «قاناپيا»، «ءۇش دوس»، «جالعىز ارشا»، «قوسبالاپان» اندەردى ورىنداپ، 2- بايگەمەن قوسا كۇمىس مەدال الدى.
فيلمدە 8 ءىرى مۋزىكالىق ءنومىر ورىندالادى. كاستينگ رەسپۋبليكانىڭ بارلىق قالالارىندا ءوتىپ جاتىر.
اۆتور: گۇلميرا عوسمانالي
