تۇرىك عالىمدارى مۇز قاتۋدان ساقتايتىن اسفالت ويلاپ تاپتى

استانا. قازاقپارات - قىس مەزگىلى باستالىسىمەن جولداعى قاۋىپتىڭ ءبىرى - كوكتايعاق. اسىرەسە، اسفالت توسەلگەن جولدارعا مۇز قاتىپ، كولىك قاتىناسىنا قولايسىزدىق تۋدىرادى.

 مۇنداي جاعدايدا ەڭ قاۋىپتىسى - «قارا مۇز». ول اۋا رايىنىڭ ءبىر جىلىپ، ءبىر سۋىتۋىنان بولاتىن جۇقا مۇزدى قابىق. جۇرگىزۋشىگە ول ىلعالدى اسفالت تۇرىندە كورىنەدى. ءدال وسى ماسەلەنى شەشۋ جولىن قاراستىرعان تۇرىك زەرتتەۋشىلەرى تىڭ نۇسقا ۇسىنىپ وتىر.

مۇز قاتقان جولدارمەن كۇرەستىڭ بىرنەشە ءتۇرى بار. ول - مۇزدى ەرىتىپ جىبەرۋى ءۇشىن تۇز شاشۋ، جولدىڭ بەتكى قاباتى مەن كولىك دوڭگەلەگىنىڭ جاقسى قابىسۋى ءۇشىن توپىراق شاشۋ. الايدا، بۇل تاسىلدەردىڭ كەمشىلىگى دە جوق ەمەس. تۇز دا، توپىراق تا كولىك ءجۇرىپ وتكەن سايىن جول بەتىنەن كەتە باستايدى. سونداي- اق، بۇل ادىستەر قالىڭ قار، بوران كەزىندە ەش كومەكتەسپەيدى.

كوچ ۋنيۆەرسيتەتىنىڭ عالىمدارى قۇرامىندا كالي تۇزى بار بىرنەشە قاباتتى اسفالت ويلاپ تاپتى. ول جولدىڭ بەتكى قاباتىنا مۇزدى اقىرىنداپ جارىپ شىعادى. اسفالت وسىلايشا بەتىنە قاتقان مۇزدان وزدىگىنەن ارىلىپ وتىرادى. ال، كولىك دوڭگەلەكتەرى اسفالتتىڭ جوعارى قاباتىن ارشىپ تاستاعان سوڭ، سىرتقا تۇزدى كومپونەنتتىڭ ەكىنشى قاباتى شىعادى.

جولدا مۇز قاتۋدىڭ الدىن الۋعا كومەكتەسەتىن تاعى ءبىر كومپونەنت بۇل - قۇرامىندا بۋتاديەن- تازارتقىش كاۋچۋگى بار اسفالت. الايدا، مۇنداي اسفالتتىڭ ءبىر كەمشىلىگى، قۇرامىنداعى تۇز اۆتوكولىك شاناعىنىڭ توتتانۋىنا اكەپ سوعادى.

https://kaztv.kaztrk.kz