قازاق قىزى قىتايداعى تۋرنيردىڭ ءبىرىنشى ماتچىندا جەڭىسكە جەتتى

استانا. قازاقپارات - قازاقستاننىڭ ءبىرىنشى راكەتكاسى زارينا دياس قىتايدىڭ شىنجىن قالاسىندا ءوتىپ جاتقان WTA سەرياسىنىڭ تۋرنيرىندەگى ءبىرىنشى ويىندا جەڭىسكە جەتتى، - دەپ حابارلايدى Vesti.kz.

العاشقى كەزدەسۋىن دياس قىتايلىق تەنيسشى كاي-لين چجانمەن وتكىزىپ، 6:4، 7:6 (7:3) ەسەبىمەن جەڭىسكە جەتتى. كەزدەسۋ ءبىر جارىم ساعاتقا سوزىلدى. ايتا كەتەيىك، بۇل قوس سپورتشىنىڭ مانسابىنداعى ءبىرى-بىرىمەن العاشقى كەزدەسۋى. قازىرگى تاڭدا 22 جاستاعى دياس الەمنىڭ 52-راكەتكاسى، ال 25 جاستاعى چجان WTA رەيتينگىندە 140-ورىندا.

تۋرنيردى 7- نومەرمەن باستاعان قازاقستاندىق تەنيسشىنىڭ كەلەسى قارسىلاسى، رۋمىنيالىق اندرەي مۋتين مەن چەح تەنيسشىسى كاتەرجين سينياكوۆا ارسىنداعى ويىننىڭ جەڭىمپازى بولادى.

شىنجىندەگى تۋرنير حاردتىق كورتتا ءوتىپ جاتىر. 2013-جىلى تۋرنير WTA دارەجەسىن الدى، ال ونىڭ سىياقى مولشەرى 500000 دوللاردى قۇرايدى. وعان 32 تەنيسشى قاتىسادى. ونىڭ قازىرگى جەڭىمپازى - رۋمىنيالىق سيمونا حالەپ.