الماتىدا جاڭا جىلدىق شىرشا ورتەندى

 الماتى. قازاقپارات - الماتىدا جاڭا جىلدىق شىرشا ورتەندى. بۇل تۋرالى قازاقپارات تىلشىسىنە قالالىق ت ج د رەسمي وكىلى ساندۋعاش بايمۇحامبەتوۆا حابارلادى.

«5 - قاڭتاردا ساعات 06.26 كەزەكشىلىك قىزمەتكە ءال- فارابي جانە ناۆوي كوشەلەرىنىڭ قيىلىسىندا ورنالاسقان جاڭا جىلدىق شىرشانىڭ وتقا ورانعانى جايلى حابار كەلىپ ءتۇستى. ءبىرىنشى بولىمشە وقيعا ورنىنا ساعات 06.34-تە جەتتى، ساعات 06.50-دە ءورت تولىق جويىلدى»، - دەپ حابارلادى س. بايمۇحامبەتوۆا.

ونىڭ اقپاراتىنشا، الدىن الا بولجام بويىنشا جالىن 20 شارشى مەتر اۋماقتى شارپىدى.

 ءورت ساقشىلارىنىڭ ۋاقىتىندا كەلۋىنىڭ ارقاسىندا شىرشانىڭ جارتىسى امان قالدى. ءورتتىڭ شىعۋىنا جاڭبىردىڭ سالدارىنان تۋىنداعان سىمداردىڭ تۇيىقتالۋى سەبەپ بولدى.

اۆتور: گۇلميرا عوسمانالي