ولىمگە بەل بۋعان قىتايلىق ايەل ۇشاقتان سەكىرمەككە ارەكەتتەندى

استانا. قازاقپارات - چانشا قالاسىنان سانياعا بەت العان بەيجىڭدىك Capital Airlines اۋە كومپانياسىنىڭ جولاۋشىسى ۇشىپ كەلە جاتقان اەروبۋستىڭ ليۋگىن اشىپ، سەكىرمەككە ارەكەتتەندى، دەپ جازادى South China Morning Post.

وقىس وقيعا ۇشاق اۋەگە كوتەرىلگەننەن سوڭ شامامەن ءبىر ساعاتتاي ۋاقىتتان كەيىن بولعان.

قىتايلىق ب ا ق- تاردىڭ حابارلاۋىنشا، ايەل نە سەبەپتەن ەكەنى بەلگىسىز ۇشاقتان سەكىرىپ كەتپەككە ارەكەتتەنگەن.

ەكيپاج مۇشەلەرى ونى توقتاتپاق بولعاندا، وزگە ەكى جولاۋشى جاقتاسىپ، جانجال تۋىنداعان.

دەگەنمەن كەلەڭسىز جاعدايعا قاراماستان ۇشاق سانيا قالاسىنىڭ اۋەجايىنا ءساتتى قوندى.

قازىرگى ۋاقىتتا بۇعان كىنالىلەر قاماۋعا الىنىپ، وقيعانىڭ جاي-جاپسارى تەكسەرىلۋدە.