04:03, 05 - قاڭتار 2016 | GMT +5
ۇشاق كرەسلوسىنان بالانى ارانىڭ كومەگىمەن الىپ شىقتى
استانا. قازاقپارات - فينلانديانىڭ حەلسينكي اۋەجايىنداعى ۇشاقتاردىڭ بىرىندە بالانىڭ ساۋساعى ۇشاق كرەسلوسىنا قىسىلىپ قالعان.
ونى كرەسلونى كەسىپ شىعارۋعا تۋرا كەلدى، دەپ حابارلادى روسبالت.
Yle.fi حابارلاعانداي، سەگىز جاسار بالا ۇشاق كرەسلوسىنىڭ استىنداعى ساڭىلاۋعا ساۋساعىن سۇققان. ونى الىپ شىعۋعا ارەكەتتەنگەندە ساۋساق ءىسىپ كەتتى. ءسويتىپ ونىڭ ساۋساعىن ارانىڭ كومەگىمەن شىعارۋعا تۋرا كەلدى.
ءبىرىنشى بولىپ اۋەجاي قۇتقارۋشىلارى كومەككە كەلدى. ولار بالانىڭ ساۋساعى قىستىرىلىپ قالعان شىنتاق سۇيەنىشتى كەسۋدەن باسقا امال تاپپادى. كەيىن مۋنيتسيپاليتەتتىڭ قۇتقارۋشىلارى بالانى كەسىلگەن شىنتاق سۇيەنىشپەن قۇتقارۋ ستانساسىنا جەتكىزدى. وندا شىنتاق سۇيەنىشتى اقىرىنداپ كەسۋ ارقىلى ساۋساقتى امان ساقتاپ قالدى.
قۇتقارۋ وپەراتسياسىنا شامامەن جارتى ساعات ۋاقىت كەتتى.
