قىسقى استانانىڭ قىزىقتارى - فوتو
ايازدى كۇندەرگە قاراماستان دەمالىس كۇندەرىن ءساندى، ءماندى وتكىزگىسى كەلگەن جۇرت تازا اۋاعا شىعىپ، قالانىڭ اسەم بەزەندىرىلگەن مۇز قالاشىقتارىن تاماشالاپ، بالالار سىرعاناق تەپتى.
بيىلعى ەڭ ۇلكەن مۇز قالا «حان شاتىر» كەشەنىنىڭ جانىندا بوي كوتەرگەنى بەلگىلى. قالاشىقتىڭ الاڭى ەكى مىڭ شارشى مەترگە جۋىق. مۇندا مۇزدان جاسالعان عاجاپ بەينەلەردەگى ءتۇرلى بىرەگەي مۇسىندەر كەشەنى توپتاستىرىلدى. مۇسىندەر مۇزدان قاشالىپ، ادامداردىڭ، اڭداردىڭ، ەرتەگى كەيىپكەرلەرى مەن اڭىزدارداعى وبرازداردىڭ بەينەسىندە تۇرعىزىلعان. ايتا كەتەيىك، باس قالامىزدا مۇز مۇسىندەرىنىڭ تاعى ءۇش الاڭى سالىندى. ولار ەسىل وزەنىنىڭ جاعالاۋىندا، وتان انا مونۋمەنتى مەن قالالىق اكىمدىك عيماراتىنىڭ جانىندا ورنالاسقان.
تۇرعىنداردىڭ كوتەرىڭكى كوڭىل كۇيىمەن بىرگە اسەم استانامىز ونان سايىن اجارلانا تۇسكەندەي. نازارلارىڭىزعا اگەنتىگىمىزدىڭ ءفوتوتىلشىسى ارنايى دايىنداعان سۋرەتتەردى ۇسىنامىز. 
