قازاقستاندىق تەننيسشى شىنجىن تۋرنيرىنىڭ ەكىنشى اينالىمىنا شىقتى

استانا. قازاقپارات - قىتايدىڭ شىنجىن قالاسىندا ءوتىپ جاتقان تەننيستەن حالىقارالىق تۋرنيردى قازاقستاندىق زارينا دياس جەڭىسپەن باستادى.

الەمنىڭ 52-، قازاقستاننىڭ ءبىرىنشى راكەتكاسى ز. دياس ءبىرىنشى اينالىمدا دۇنيەجۇزىلىك رەيتينگتە 140-ىنشى ورىندا تۇرعان قىتايلىق چجان كايلينمەن كەزدەسىپ، ونى 6:4, 7:6 ەسەبىمەن ۇتتى.

وسى تۋرنيردىڭ جەتىنشى راكەتكاسى بولىپ تىركەلگەن زارينا دياس كەلەسى اينالىمدا ءبىرىنشى كەزدەسۋىندە رۋمىنيالىق اندرەا ميتۋدى 6:3, 6:3 ەسەبىمەن تىزە بۇكتىرگەن چەحيالىق كاتەرجينا سينياكوۆامەن كورتقا شىعادى.

ەسكە سالا كەتەيىك، جۇلدە قورى 426750 ا ق ش دوللارىن قۇرايتىن شىنجىن تۋرنيرىندە سونداي-اق تاعى ءبىر قازاقستاندىق، الەمنىڭ 67- راكەتكاسى ياروسلاۆا شۆەدوۆا دا ونەر كورسەتەدى. ول ەستونيالىق انەتت كونتاۆەيتپەن كۇش سىناسپاق.