گەرمانيادا بوسقىندارعا كەتكەن «شىعىندى» سانادى
ميۋنحەندەگى ەكونوميكالىق زەرتتەۋ ينستيتۋتىنىڭ باسشىسى گانس-ۆەرنەر زينن وسىنداي مالىمدەمە جاسادى. ونىڭ سوزىنە قاراعاندا، گەرمانيا بوسقىنداردىڭ كوپتەپ كەلۋىن قارجىلاندىرۋ ءۇشىن قارىزعا كىرەتىندەي جاعدايدا ەمەس. ەل بيلىگى اقشانى بيۋدجەتتەن ىزدەۋى كەرەك، ازىرگە قاراجات بار، الايدا كوشى-قون داعدارىسى بىتپەسە، بارلىق بوسقىنعا بيۋدجەت جەتپەيدى.
2016 -جىلعى مەملەكەتتىك بيۋدجەتتە اتالعان شىعىندى وتەۋ ءۇشىن قاجەتتى سومانى تابۋعا بولادى، الايدا الداعى ۋاقىتتا بۇل قيىنداي تۇسەدى. ينستيتۋت باسشىسىنىڭ سوزىنە قاراعاندا، قازىردىڭ وزىندە گەرمانيا بيلىگى بوسقىندار سالدارىنان كەي شىعىنداردى ازايتىپ جاتىر.
ەسكە سالا كەتەيىك، 2015 -جىلى گەرمانيادا رەسمي تۇردە 1 ميلليون 87 مىڭنان استام بوسقىن تىركەلدى. كوشى-قون قىزمەتىنىڭ قىزمەتكەرلەرى ايتقانداي، بۇل ناقتى سان ەمەس. ەل اۋماعىندا 250 مىڭعا جۋىق ادام بيلىكتەن جاسىرىنىپ ءجۇر.
