شاڭحاي بيرجاسىندا اكتسيا قۇنىنىڭ ارزانداۋى سالدارىنان ساۋدا ۋاقىتشا توقتاتىلدى

استانا. قازاقپارات - قىتايدا شاڭحاي جانە شىنجىن قور بيرجالارىندا قور يندەكستەرىنىڭ قۇلاۋى سالدارىنان ساۋدا ۋاقىتشا توقتاتىلدى. قىتايلىق يندەكستەردىڭ قۇلاۋى ازيانىڭ وزگە ەلدەرىندە دە سەزىلەدى.

 جەرگىلىكتى ۋاقىتپەن ساعات 15 كە قاراي قىتايدىڭ 300 جەتەكشى كومپانيا اكسيالارىنىڭ كورسەتكىشتەرى نەگىزىندە قۇرىلاتىن CSI300 يندەكسى بىردەن 7 پايىزدىق پۋنكتكە تومەندەدى. بۇل ساۋدانىڭ اۆتوماتتى تۇردە ۋاقىتشا توقتاۋىنا اكەپ سوقتى. دۇيسەنبىدە قىتايلىق بيرجالار جۇمىس ىستەمەيدى.

ساۋدانىڭ اۆتوماتتى تۇردە ۋاقىتشا توقتاۋ جۇيەسى 2016 -جىلدىڭ باسىندا ەنگىزىلگەن جانە العاش رەت ىسكە قوسىلدى.

ساراپشىلار اكسيالاردىڭ قۇلاۋىن قىتايدىڭ يندۋستريالىق كورسەتكىشتەرى ءوسىمىنىڭ اسا جوعارى بولماۋىمەن بايلانىستىردى.

سونىمەن قاتار، اكسيالاردىڭ قۇلدىراۋىنا قىتايلىق ەكونوميكا ءوسىمىنىڭ باسەڭدەۋى جانە بيىل جازدا يۋاننىڭ ديەۆالۆاتسياسىنان كەيىن ەنگىزىلگەن ءىرى كومپانيالاردىڭ اكسيالارىن ساتۋعا تىيىم سالۋ شەشىمىنەن باس تارتۋدى كۇتۋ دە اسەر ەتتى. قىتايداعى قۇلدىراۋ توكيولىق بيرجادا سەزىلەدى، مۇندا Nikkei يندەكسى شامامەن %3 عا قۇلادى.

 وتكەن جازدا قىتايداعى بيرجا يندەكستەرىنىڭ قۇلاۋى بۇكىل ازياعا جانە ايماقپەن بايلانىسى بار ەلدەرگە كەرى اسەرىن تيگىزگەن بولاتىن.