ساۋد ارابياسى مەن يران اراسىنداعى شيەلەنىس الەمدىك مۇنايدىڭ باعاسىنا اسەرىن تيگىزدى
جەكسەنبى كۇنى كەشكە ەر-رياد تەگەرانمەن ديپلوماتيالىق قارىم-قاتىناستىڭ ۇزىلگەنى تۋرالى جاريا ەتتى، بۇل يرانداعى ساۋد ارابياسى ەلشىلىگىندەگى تارتىپسىزدىكتەردەن كەيىن ورىن الىپ وتىر، دەپ حابارلايدى رەسەيلىك ر ب ك اگەنتتىگى.
ICE لوندون بيرجاسىندا ساۋدالانۋى بارىسىندا Brent مۇنايىنىڭ اقپاندىق فيۋچەرسى (قور نە تاۋار بيرجاسىنداعى ءالى دايىندالماعان تاۋارعا جاسالىناتىن مامىلە ءتۇرى) كۇرت ءوستى، 3 - جەلتوقساندا ونىڭ جوعارى باعامى - باررەلىنە 38,50 دوللارعا جەتتى. بۇدان ءسال ۋاقىتتان كەيىن باعا ءوسىپ، كەيىننەن باررەلىنە 37,89 دوللارعا قايتا ءتۇستى. الايدا كەيىن فيۋچەرستەر قايتا ءوسىپ 38 دوللاردان اسىپ كەتتى. بۇگىن تاڭەرتەڭ باررەلىنە 38,18 دوللار بولىپ، ساۋدا جابىلعان كەزدە باعا 1,53 پايىزعا ارتتى.
نيۋ- يورك تاۋار بيرجاسىندا WTI مۇنايى %3,5 عا ارتىپ، باررەلىنە 38,38 دوللار دەڭگەيىندە تۇر.
«نارىق ساۋد ارابياسى مەن يران سەكىلدى مۇناي ءوندىرۋشى مەملەكەتتەر اراسىنداعى قازىرگى وقيعالاردى، ۇزاققا سوزىلاتىن شيەلەنىستىڭ باستاپقى قادامى دەپ قابىلدايدى»، - دەيدى سيدنەيدەگى CMC Markets باس ساراپشىسى ريكا سپۋنەرا.
«ساۋد ارابياسى مەن يران اراسىنداعى شيەلەنىستى ەسەپكە الساق، گەوساياسي جاعدايعا قاتىستى قاۋىپ ۇلعايىپ كەلەدى»، - دەيدى دۋبايداعى Manaar Energy Consulting تالداۋشىسى روبين ميللس.
Bloomberg كەلتىرگەن مالىمەتتەرگە كوز جۇگىرتسەك، ساۋد ارابياسى مەن يران و پ ە ك (مۇناي ەكسپورتتاۋشى ەلدەردىڭ ۇيىمى) قۇرامىنا كىرەتىن مەملەكەتتەر اراسىندا مۇناي ءوندىرۋ كولەمى بويىنشا ءبىرىنشى جانە بەسىنشى ورىندا.
ەستەرىڭىزگە سالا كەتسەك، 3 -قاڭتاردا ساۋد ارابياسىنىڭ سىرتقى ىستەر ءمينيسترى ادەل ءال- دجۋبەير كورولدىك يرانمەن ديپلوماتيالىق قارىم- قاتىناستى ۇزەتىنى جايلى ءمالىم ەتتى. تەگەراننىڭ ديپميسسياسى كورولدىك اۋماعىنان 48 ساعات ىشىندە كەتۋى ءتيىس. قارىم- قاتىناستىڭ ۇزىلۋىنە ساۋد ارابياسىنىڭ 47 ادامدى ءولىم جازاسىنا كەسىپ، ولاردى ولتىرگەننەن كەيىن يرانداعى س ا ديپلوماتيالىق وكىلدىگىندەگى بۇقارالىق تارتىپسىزدىك سەبەپ بولدى.
2 - قاڭتاردا ساۋد ارابياسى ءى ى م لاڭكەستىككە قاتىسى بار دەپ ايىپتالعان 47 ادامدى ءولىم جازاسىنا كەستى. ولاردىڭ ىشىندە ساۋد بيلىگىنە قاتىستى وتكىر سىن ايتقان شييت ۋاعىزشىسى نيمر ان- نيمر بار. بۇل جاڭالىق شييتتەر كوپ ەلدەردە جانە يراندا نارازىلىق تۋدىردى.
