ساۋد ارابياسى يرانمەن ديپلوماتيالىق قارىم-قاتىناسىن ءۇزدى

استانا. قازاقپارات - 3 -قاڭتاردا ساۋد ارابياسىنىڭ سىرتقى ىستەر ءمينيسترى ادەل ءال-دجۋبەير كورولدىك يرانمەن ديپلوماتيالىق قارىم-قاتىناستى ۇزەتىنى جايلى ءمالىم ەتتى.

تەگەراننىڭ ديپميسسياسى كورولدىك اۋماعىنان 48 ساعات ىشىندە كەتۋى ءتيىس. قارىم-قاتىناستىڭ ۇزىلۋىنە ساۋد ارابياسىنىڭ 47 ادامدى ءولىم جازاسىنا كەسىپ، ولاردى ولتىرگەننەن كەيىن يرانداعى ساۋد ارابياسى ديپلوماتيالىق وكىلدىگىندەگى بۇقارالىق تارتىپسىزدىك سەبەپ بولدى، دەپ حابارلادى ر ي ا نوۆوستي.

ساۋد ارابياسىنىڭ س ءى م باسشىسى ادەل ءال-دجۋبەير 3 -قاڭتاردا كورولدىك پەن يران اراسىنداعى ديپلوماتيالىق قارىم-قاتىناس ۇزىلەتىنىن مالىمدەدى.

يران ديپلوماتتارى، سونىمەن قاتار ديپميسسيامەن بايلانىستى قۇرىلىمدار ساۋد ارابياسى اۋماعىنان 48 ساعات ىشىندە كەتۋى ءتيىس. ساۋد بيلىگى يراننىڭ «ساۋد ارابياسىنداعى قاۋىپسىزدىگىنە نۇقسان كەلتىرمەۋى ءۇشىن» وسىنداي ارەكەتكە باردى دەگەن سوزدەرىن اگەنتتىك كەلتىردى.

ساۋد ارابياسى يراننان ديپلوماتيالىق ميسسيانىڭ 47 قىزمەتكەرى مەن ولاردىڭ جانۇيالارىن شىعاردى، دەپ حابارلادى كورولدىك س ءى م وكىلى ۋساما ان-ناكلي.

ەسكە سالا كەتەيىك، وسىعان دەيىن 3 -قاڭتاردا اۆستريا س ءى م باسشىسى ەكى ەلدەگى ارىپتەستەرىمەن تەلەفون ارقىلى سويلەسىپ، يران جانە ساۋد ارابياسىنىڭ وكىلدەرى ەكى ەل اراسىنداعى شيەلەنىسكە قارسى ەكەنىن حابارلادى.

2016 -جىلى 2 -قاڭتاردا ساۋد ارابياسى ءى ءى م لاڭكەستىككە قاتىسى بار دەپ ايىپتالعان 47 ادامدى ءولىم جازاسىنا كەستى. ولاردىڭ ىشىندە ساۋد بيلىگىنە قاتىستى وتكىر سىن ايتۋىمەن بەلگىلى بولعان شييت ۋاعىزشىسى نيمر ان-نيمر بار. بۇل جاڭالىق تاياۋ شىعىستاعى جانە ەۋروپالىق ەلدەردە نارازىلىق تۋدىردى، ال تەگەراندا نارازىلىق بىلدىرۋشىلەر ساۋد ارابياسى ەلشىلىگىندە بۇلىك شىعاردى.