الەۋمەتتىك جەلىنىڭ نەگىزىن سالۋشى سۋكەربەرگ وزىنە «جاساندى كومەكشى» قۇرماق
«2016 -جىلى مەن الدىما قاراپايىم جاساندى ينتەللەكت قۇرۋ ماقساتىن قويدىم، ول ءۇي ءىشى ىستەرىن باسقارىپ، ماعان جۇمىستا كومەكتەسەر ەدى. مىسالعا، «تەمىر ادامداعى» جارۆيس ءتارىزدى»، - دەپ حابارلادى سۋكەربەرگ الەۋمەتتىك جەلىدەگى ءوز پاراقشاسىندا.
سۋكەربەرگ جاساندى ينتەللەكتىنى قۇرۋدى بۇگىنگى كۇنى بۇل سالاداعى تەحنولوگيا قانداي جەتىستىككە جەتكەنىن زەردەلەۋدەن باستاۋدى جوسپارلاۋدا.
«بۇدان كەيىن ءبىزدىڭ ۇيدەگى بارلىق نارسەنى - مۋزىكانى، جارىقتى، تەمپەراتۋرانى جانە باسقالارىن باسقارۋى ءۇشىن مەن ونى داۋىسىمدى تۇسىنۋگە، مەنىڭ دوستارىم ەسىككە قوڭىراۋ شالعاندا، ولاردىڭ بەت- الپەتىن تانۋعا ۇيرەتەمىن»، - دەپ جازدى سۋكەربەرگ.
سونداي-اق جاساندى ينتەللەكت وعان سەرۆيستەر جانە جاڭا جوبالار جاساۋعا كومەكتەسۋى ءتيىس.
Facebook باسشىسى ءار جىل سايىن ءوزىنىڭ الدىنا جاڭا مىندەتتەر قويىپ وتىرادى. مىسالعا، وتكەن بىرنەشە جىلدارى ول ايىنا كەمىندە ەكى كىتاپ وقۋعا، سولتۇستىك قىتاي ءتىلىن ۇيرەنۋگە جانە ءار كۇنى جاڭا دوستار تابۋعا ۋادە بەرگەن بولاتىن. ونىڭ ايتۋىنشا، جاڭا باستالعان جىلدىڭ تاقىرىبى «جاساندى كومەكشى» ويلاپ تابۋ بولماق.
