ءۇندىستاندا قۋاتتى جەر سىلكىنىسى بولدى
اۋەلى ونىڭ قۋاتى 6,8 بال دەپ كورسەتىلگەن ەدى، كەيىن 6,7 بالعا دەيىن تومەندەتىلدى.
سەيسمولوگتاردىڭ اتاپ وتۋىنشە، جەر سىلكىنىسىنىڭ وشاعى ءۇندىستاننىڭ مانيپۋر شتاتىنىڭ استاناسى - يمپحالدان سولتۇستىك باتىسقا قاراي 33 شاقىرىم جەردە بولدى.
كۇشتى جەر ءدۇمپۋى جەرگىلىكتى ۋاقىتپەن تاڭعى ساعات 4:35 تىڭ شاماسىندا سەزىلگەن.
كوپتەگەن بەنگالدىقتار ءۇيدىڭ قۇلاۋىنان قورقىپ، سىرتقا قاشىپ شىققان.
امەريكاندىق گەولوگتار ءدۇمپۋدى ايماقتىڭ 98 ميلليونعا جۋىق تۇرعىنى سەزىنگەنىن اتاپ وتەدى.
سەيسيكالىق بەلسەندىلىك تۇتاستاي العاندا ەۋرازيالىق جانە ءۇندىستان ليتوسفەرالىق تاقتاتاستارىنىڭ اراسىنداعى شەكارادا ورنالاسقان ايماققا ءتان. بۇل تاقتاتاستار جىلىنا 5-6 سانتيمەتر جىلدامدىقپەن ءبىر- بىرىنە قارسى جىلجىپ وتىرادى.
2005 -جىلى پاكىستاندىق كاشميردەگى تەربەلىسى 7,6 بالدىق جەر سىلكىنىسى 75 مىڭ ادامنىڭ ءومىرىن قيىپ كەتكەن بولاتىن.
2015 -جىلعى ساۋىردە نەپالدا بولعان قۋاتتى جەر سىلكىنىسىندە 9 مىڭ ادام قازا بولدى، 900 مىڭعا تارتا ۇيلەر قيرادى نەمەسە بۇلىنشىلىككە ۇشىرادى.
