رونالدۋ فۋتبولدىق مانسابىن اياقتاعان سوڭ پاتشا سەكىلدى ءومىر سۇرگىسى كەلەتىنىن ايتتى

استانا. قازاقپارات - پورتۋگاليا قۇرماسىنىڭ جانە مادريدتىك «رەال» كومانداسىنىڭ ويىنشىسى كريشتيناۋ رونالدۋ فۋتبولدىق مانسابىن اياقتاعان سوڭ راحاتتانىپ ءومىر سۇرگىسى كەلەتىنىن ايتتى، دەپ جازادى شەتەلدىك ب ا ق.

«فۋتبولدان سوڭ باسقا ءومىر باستالادى. مەن جاتتىقتىرۋشى دا، كلۋب مەنەدجەرى دە پرەزيدەنت تە بولعىم كەلمەيدى. مەندە جاقسى جۇمىس، اقشا، كولىك، ءۇي، ءبارى بار دەپ ايتۋعا بولادى. ءبىراق بۇل ماڭىزدى ەمەس. مىسالى، سەنبى كۇنى لاس-ۆەگاستا بوكس كەشى ءوتتى. مەن وتباسىم مەن دوستارىمدى وسى كەشكە شاقىرعىم كەلدى. ءبىراق ۋاقىتىم بولمادى. ەندى فۋتبولدىق مانسابىمدى اياقتاعان سوڭ پاتشا سەكىلدى ەركىن ءومىر سۇرگىم كەلەدى»، - دەيدى رونالدۋ.