وسكار سىيلىعىنىڭ يەگەرلەرى امىرە قاشاۋبايەۆ تۋرالى اعىلشىن تىلىندە فيلم تۇسىرمەك

استانا. قازاقپارات - قازاقستاندا امىرە قاشاۋبايەۆ تۋرالى مۋزىكالىق فيلمگە ءتۇسۋ ءۇشىن كاستينگ جاريالاندى. فيلم اعىلشىن تىلىندە تۇسىرىلەدى.

«Moviq» كينوكومپانياسىنىڭ حابارلاۋىنشا، فيلمنىڭ پروديۋسەرلەرى «وسكار» سىيلىعىنىڭ يەگەرلەرى كەري گرانت پەن ەد دجونس بولادى.

فيلم كەزىندە 8 مۋزىكالىق نومەر قويىلىمى بولادى. «فيلم اعىلشىن تىلىندە تۇسىرىلەدى. وعان ءتۇسۋ ءۇشىن ازيالىق كەلبەتتى ەر ادامداردى (قازاق) كاستينگكە شاقىرامىز»، - دەيدى ۇيىمداستىرۋشىلار.

كاستينگتىڭ باستى تالاپتارى مىنا جەردە كورسەتىلگەن.

ايتا كەتەيىك، قاشاۋبايەۆ امىرە - قازاقتىڭ اتاقتى ءانشىسى، اكتەر ءارى مۋزىكانتى. 1925 -جىلى پاريجدە وتكەن دۇنيەجۇزىلىك ءسان ونەرى كورمەسىندە ەتنوگرافيالىق كونسەرتتە «اعاش اياق»، «قاناپيا»، «ءۇش دوس»، «جالعىز ارشا»، «قوس بالاپان»، تاعى باسقا اندەردى ورىنداپ ەكىنشى ورىن الىپ، كۇمىس مەدال يەمدەنەدى.

«پاريج اپتالىعى» گازەتى مەن «لە ميۋزيكل» جۋرنالى امىرە قاشاۋبايەۆتىڭ سيرەك كەزدەسەتىن تالانت ەكەنىن جازسا، ساربوننا ۋنيۆەرسيتەتىنىڭ پروفەسسورى پەرنو فونوگرافقا امىرەنىڭ ورىنداۋىندا بىرنەشە ءان جازىپ العان. وسىلايشا امىرە قاشاۋبايەۆ شەت ەلدە ونەر كورسەتىپ قازاق ەلىن تانىتقان تۇڭعىش ءانشى بولدى. 1927 -جىلى ماسكەۋ كونسەرۆاتورياسىندا قازاق اندەرىن تامىلجىتا شىرقادى. گەرمانيانىڭ ماينداعى فرانكفۋرت قالاسىنداعى كونتسەرتكە قاتىسىپ، قازاقتىڭ حالىق اندەرىن تاعى دا الەمگە پاش ەتتى. امىرە قاشاۋبايەۆتىڭ اندەرى دۇنيە ءجۇزى مادەنيەتىنىڭ ءىرى وكىلدەرى رومەن روللان، انري باربيۋس تاعى باسقالار تاراپىنان جوعارى باعا العان.