ا ق ش پرەزيدەنتتىگىنە ۇمىتكەر دونالد ترامپ باراك وبامانى ايىپتادى
بۇل تۋرالى ر ي ا نوۆوستي حابارلادى.
پورتالدىڭ مالىمەتىنشە، بۇعان دەيىن حيللاري كلينتون ترامپتىڭ مۇسىلماندارعا قارسى ايتقان سوزدەرى د ا ي ش ۇيىمىنا قوسىلعانداردىڭ قاتارىنىڭ ارتۋىنا سەبەپ بولىپ جاتقانىن ايتقان. كلينتون بۇل ويىن «ءال-كايداعا» قاتىسى بار توپتاردىڭ ءبىرى ترامپىڭ سويلەگەن سوزىنەن ءۇزىندى كەلتىرىپ، ۆيدەو تۇسىرگەننەن كەيىن ءبولىستى.
ال ترامپ بۇعان جاۋاپ رەتىندە: «حيللاري كلينتون مەن وباما دايش ۇيىمىن قۇردى»، - دەدى سەنبى كۇنى ميسسيسيپي شتاتىندا سايلاۋشىلاردىڭ الدىندا سويلەپ تۇرىپ.
ايتا كەتەيىك، دونالد ترامپ بۇعان دەيىن ا ق ش- قا مۇسىلمانداردى كىرگىزبەۋگە شاقىرىپ، تەرروريزمدى جەڭۋ ءۇشىن لاڭكەستەردىڭ وتباسى مۇشەلەرىن ءولتىرۋ كەرەك دەپ ەسەپتەيتىنىن ايتقان بولاتىن. ترامپتىڭ بۇل سوزىنە ا ق ش- تىڭ كەيبىر ساياساتكەرلەرى مەن ەل تۇرعىندارى نارازىلىق ءبىلدىردى.
بۇرىنعى مەملەكەتتىك حاتشى حيللاري كلينتون قازىر دەموكراتيالىق پارتيا اتىنان ا ق ش پرەزيدەنتى لاۋازىمىنا تالاسىپ جاتىر. ونىڭ باستى باسەلەكەستەرى رەتىندە مەريلەندتىڭ بۇرىنعى گۋبەرناتورى مارتين و'مەللي مەن سەناتور بەرني ساندەرس ايتىلىپ ءجۇر. رەسپۋبليكالىق پارتيا اتىنان پرەزيدەنت بولۋعا 15 شاقتى ۇمىتكەر نيەت ءبىلدىردى.
