ۇشقىشتار جولاۋشىلارعا ەشقاشان ايتپايتىن سىرلارىمەن ءبولىستى

استانا. قازاقپارات - بيلەتتى نە ءۇشىن تاڭعى ساپارعا العان دۇرىس دەپ ويلايسىزدار؟ وسى جانە باسقا دا ۇشاق تۋرالى قىزىقتى دەرەكتەردى بىلگىڭىز كەلسە، تومەنگە نازار اۋدارىڭىز. بۇل تۋرالى ۇشقىشتاردىڭ وزدەرى الەۋمەتتىك جەلىدە انونيمدى تۇردە جاريالادى.

ۇشاقتار كەيدە سىنىپ قالادى

ءبارىمىز دە اۋە جولىن باسقا جولدارعا قاراعاندا ەڭ سەنىمدى جول دەپ ويلايمىز. الايدا ونىڭ ءبىز بىلمەيتىن قىر-سىرى كوپ ەكەن. مىسالى كابينادا ەلەكتر قۋاتى ءسونىپ قالىپ، ۇشاق قوزعالتقىشى ورتەنىپ كەتۋى مۇمكىن. ءبىراق اۋە كومپانياسىنىڭ باسىم كوپشىلىگى بارلىعىن الدىن الا تەكسەرىپ، ۇشۋعا دايىندايدى. دەگەنمەن دە ساق بولعانىڭىز دۇرىس.

ۇشقىشتار ۇشىپ بارا جاتقاندا ۇيىقتايدى

بۇل سوزىمىزگە سەنبەي وتقان شىعارسىز. ءبىراق ءسىز ۇيقىتاپ جاتقان كەزدە ولار دا ۇيىقتايدى. 2012-جىلى جۇرگىزىلگەن ساۋالنامادا ۇشۋ بارىسىندا ۇشقىشتاردىڭ جارتىسىنان كوبى ۇيىقتايتىنى انىقتالدى. ەڭ باستىسى ولار كەزەكتەسىپ ۇيىقتايدى ەكەن. ال ەگەر ۇزاق ساپارعا ۇشاتىن بولسا، ۇشقىشتارعا ۇيىقتاۋعا رۇقسات بەرىلگەن.

ەڭ ءساتتى ساپار - تاڭعى ساپار

ەگەر ءسىز تۋربۋلەنتتىلىكتەن قورقاتىن بولساڭىز، ۇشاق بەلەتىن تاڭعى ساپارعا الىڭىز. سەبەبى تاڭەرتەڭگى تازا اۋا-رايى ءسىزدىڭ جۇيكە جۇيەڭىزدى تىنىشتاندىرىپ، كوڭىل-كۇيىڭىزدى كوتەرەدى.

ۇشقىشتار ءارتۇرلى تاعام جەيدى

ۇشقىشتار ەكونوم-كلاستاعى جولاۋشىلارعا قاراعاندا جاقسى تاماقتانادى. سەبەبى ولارعا كوبىنە بيزنەس-كلاستاعى تاعامداردى اكەلەدى. كەيدە ۇشقىشتارعا ارنايى اس ءمازىر دايىندالادى. سونىمەن قاتار ولار وزدەرىمەن بىرگە قالاعان تاعامدارىن الىپ جۇرەدى. مىنەكي، ۋلانىپ قالۋدان ساقتانۋ ءۇشىن ولار ءارتۇرلى تاعام تۇتىنادى.

بارلىق دەرلىك ۇشاقتى نايزاعاي سوقتى

جىلىنا ءبىر رەت بولسا دا ءار ۇشاقتى نايزاعاي سوعادى. الايدا ودان جولاۋشىلارعا ءالى ەشقانداي قاۋىپ-قاتەر ءتونىپ تۇرعان جوق.

وتتەگىمەن دەمالۋ ماسكاسى سىزگە 15 مينۋت قانا كومەكتەسەدى

ۇشاقتا توسىن جاي بولعان جاعدايدا وتتەگىمەن دەمالۋ ماسكاسى 15 مينۋت قانا تۇنشىعىپ قالماۋعا كومەكتەسەدى. الايدا بۇل ۋاقىت ۇشاقتىڭ جەرگە قونۋىنا تولىق جەتەدى.

massaget.kz