جوعالىپ كەتكەن فۋتبولشىنىڭ ءمايىتى وزەننەن شىقتى

استانا. قازاقپارات - فرانسيانىڭ «پاري سەن-جەرمەن» جانە اعىلشىنداردىڭ «ۋيگان اتلەتيك» فۋتبول كلۋبتارىنىڭ بۇرىنعى فۋتبولشىسى 34 جاستاعى كود دە يۆۋارلىق ستيۆ گوحۋريدىڭ ءمايىتى نەمىستىڭ كرەفەلد قالاسى ماڭىنداعى رەين وزەنىنەن تابىلدى، دەپ حابارلادى BBC اگەنتتىگى.

ول 12- جەلتوقسان كۇنى ءوزى ونەر كورسەتكەن سوڭعى كوماندا - «شتاينباح» نەمىس كلۋبىنىڭ وزگە ويىنشىلارىمەن كەزدەسىپ، روجدەستۆو الدىندا وتكىزىلگەن كەشتەن كەيىن ءىز-ءتۇزسىز جوعالىپ كەتكەن.

جوسپار بويىنشا، بۇل كەشتەن كەيىن گوحۋري پاريجدەگى جانۇياسىنا بارۋى ءتيىس بولعان.

ستيۆ گوحۋريدىڭ وتباسى ونىڭ بەس جاسىندا كوت-د'يۆۋاردان پاريجگە كوشىپ كەلگەن. كەن.

سوڭعى 20 جىلدا گوحۋري شۆەيتساريا، يزرايل، ليحتەنشتەين، فرانسيا، انگليا جانە گەرمانيا كلۋبتارىندا وينادى.

سونىمەن قاتار، ول بىرنەشە رەت كوت-د'يۆۋاردىڭ ۇلتتىق قۇراماسىنىڭ قۇرامىندا شەبەرلىك كورسەتتى.