نارازى توپ ەلشىلىككە باسىپ كىردى
ساۋد ارابياسىنىڭ بيلىگى شيعا ءدىن ناسيحاتتاۋشىسى نيمر ءال-ءنيمردى ءولىم جازاسىنا كەسكەنىن ەستىگەن سوڭ تەگەراندا نارازى توپ ديپلوماتيالىق ميسسيا اۋماعىنا كىرىپ، جيھازداردى سىندىرىپ، عيماراتتى ورتتەمەك بولعان.
پوليتسيا بۇلىكشىلەردى ەلشىلىكتەن شىعارىپ، ءورت سوندىرۋشىلەر وتتى ءسوندىردى. يران ىشكى ىستەر مينيسترلىگى ديپلوماتيالىق ستاتۋستى سىيلاۋعا شاقىردى.
مەشحەدتە دە ساۋد ارابياسىنىڭ كونسۋلدىعىنا نارازىلىق بىلدىرۋشىلەر شابۋىل جاسادى، دەپ حابارلادى ر ي ا نوۆوستي «ساباك» گازەتىنە سىلتەمە جاساپ. باسىلىمدا يراندىقتاردىڭ ءبىر توبى كونسۋلدىقتى ورتتەمەك بولعانى ايتىلعان. نارازى توپ ىشىندە ساۋد ارابياسىنىڭ عيماراتتاعى تۋىن قۇلاتقىسى كەلگەندەر دە بولعان.
ەسكە سالا كەتەيىك، ساۋد ارابياسىندا لاڭكەستىككە قاتىسى بار دەگەن كۇدىكپەن سوتتالعان 47 ادام ءولىم جازاسىنا كەسىلدى. ولاردىڭ قاتارىندا يراندا تانىمال تۇلعالاردىڭ ءدىن ناسيحاتشىسى نيمر ءال-نيمر بولدى.
