ەستونيا پرەزيدەنتى ءۇشىنشى رەت ۇيلەندى

استانا. قازاقپارات - ەستونيا پرەزيدەنتى تووماس حەندريك يلۆەس سەنبى، 2- قاڭتاردا، لاتۆيا قورعانىس مينيسترلىگىنىڭ كيبەرگەوساياسي ۇيلەستىرۋ ءبولىمىنىڭ باسشىسى يەۆا كۋپتسەمەن نەكەلەستى.

نەكە قيۋ ءراسىمى ۆيليانديسكي ۋەزىنىڭ حالليستە شىركەۋىندە ءوتتى. ەرلى-زايىپتىلاردا ورتاق بالا جوق. الايدا، يەۆانىڭ بۇرىنعى نەكەسىنەن 2 بالاسى بار، تووماس حەندريك يلۆەستىڭ دە بۇرىنعى نەكەلەرىنەن 2 بالا بار. پرەزيدەنت ءۇشىن بۇل - ءۇشىنشى ۇيلەنۋ تويى. وسىعان دەيىنگى ايەلى ەۆەلين يلۆەسپەن ول وتكەن جىلدىڭ ساۋىرىندە اجىراسقان.

ەستونيانىڭ جاڭا ءبىرىنشى حانىمى پرەزيدەنت ايەلى رەتىندە بەرىلەتىن وكىلدىك مىندەتتەرىن پايدالانعىسى كەلمەيتىنىن تەك، ونىڭ قاتىسۋى شارت بولعان جەردە عانا قولداناتىنىن ايتقان، دەپ جازدى لەنتا. رۋ.

يەۆا يلۆەس لاتۆيا قورعانىس مينيسترلىگىندەگى بۇرىنعى قىزمەتىن جالعاستىرا بەرمەك، ول ەستونيا زاڭىندا قاراستىرىلعان اي سايىنعى تولەماقى، حاتشى مەن قىزمەتتىك كولىكتەن باس تارتتى.