قازاقستاننىڭ ماڭدايالدى سپورتشىسى بەسىنشى ورىندى يەلەندى
Vesti.kz سايتىنان الىنعان مالىمەتكە قاراعاندا، بارلىق جۇلدەلى ورىندى نورۆەگيالىق شاڭعىشىلار ەنشىلەدى. مارتين يونسرۋد سۋندبيۋ جەڭىمپاز اتانسا، پەتتەر نورتۋگ پەن ديدريك تونسەت ەكىنشى، ءۇشىنشى ورىندى ءبولىستى. ا. پولتورانين جارىس جەڭىمپازىنان 38,6 سەكۋندقا قالىپ قويدى.
الەمنىڭ كوشباسشى شاڭعىشىلارىمەن تايتالاسىپ جۇرگەن الەكسەي قازىر 28 جاستا. سوڭعى «تۋر دە سكي» جارىسىندا ءبىر كەزەڭ جەڭىمپازى اتانسا، تاعى بىرىندە كۇمىس جۇلدەگەر اتانعان ەدى. سونىمەن قاتار 2013-جىلى ەكى مارتە كەزەڭ جەڭىمپازى اتانعان ەدى. ءوزىنىڭ سوزىنە قاراعاندا، ەندىگى ماقسات - وسى كورسەتكىشتى جاقسارتۋ. ارينە، نورۆەگيالىقتارمەن جالعىز كۇرەسۋ قيىن. ولاردى ۇتۋ ءۇشىن جاقسى دايىندىق كەرەك.
ايتا كەتەيىك، ا. پولتورانين - الەم چەمپيوناتىنىڭ 2013-جىلعى قولا جۇلدەگەرى، سونىمەن قاتار ازيا ويىندارىنىڭ ءتورت دۇركىن جەڭىمپازى.
اۆتور: ەلجان ەرالى
