17:18, 03 - قاڭتار 2016 | GMT +5
جولبارىس پەن ەشكىنىڭ دوستىعى سافاري-پاركتى بايىتتى
استانا. قازاقپارات - پيمورسكىدەگى سافاري-پاركتىڭ 9 جىلدىق تاريحىندا تۇڭعىش رەت كەلۋشىلەر قاتارى 2- قاڭتار كۇنى رەكوردتىك كورسەتكىشكە جەتتى، دەپ جازادى ت ا س س.
بۇل تۋرالى پارك ديرەكتورى دميتري مەزەنتسيەۆ ايتقان.
«پارك 2007-جىلى اشىلعالى بەرى مۇنشا ادام كوپ كەلىپ كورگەن ەمەس. ادامدار ادەتتەگىدەن ءۇش ەسە ارتىق كەلدى»، - دەدى مەزەنتسيەۆ.
وسىعان بايلانىستى پاركتىڭ جۇمىس كەستەسىن وزگەرتىپ ارتىق جۇمىس رەجىمىن ەنگىزگەن.
بۇعان دەيىن ب ا ق بەتتەرىندە حابارلانعانداي، ەشكى جولبارىسقا تاماق رەتىندە جىبەرىلگەن. الايدا، ءبىر اپتا وتسە دە جولبارىس ونى ءالى جەگەن جوق. كەرىسىنشە، ولار ساياباق ىشىندە بىرگە سەرۋەندەپ، بىرگە جۇرەدى. ەكەۋىن اجىراتىپ باسقا تورعا كىرگىزىپ كورسە، ولاردىڭ ءبىرىن ءبىرى ىزدەيتىنى بايقالعان. جولبارىس ءتىپتى، ءوزى جاتاتىن ۇيشىكتى ەشكىگە بوساتىپ بەرگەن.
