مەيرامحاناداعى توسىن سىي مۇسىلماندار ءۇشىن كۇتپەگەن جاعداي بولدى

استانا. قازاقپارات - مۇسىلمانداردى شەتتەتىپ نەمەسە جابىرلەۋ وقيعالارى كوپتەپ ورىن الىپ جاتقان شاقتا دجوردجيا (ا ق ش) شتاتىندا تۇراتىن يسلام مۋحاممەدتىڭ وتباسى ويلاماعان جەردەن توسىن سىيعا تاپ بولدى.

  ول ءوزىنىڭ دوستارىمەن جانە وتباسىمەن Olive Garden مەيرامحاناسىندا باس قوسىپ، تاماقتانىپ بولعاسىن ەسەپ ايىرىسۋعا كەلگەندە تاڭ- تاماشا بولادى. 7 ەرەسەك جانە 5 بالا وتىرعان بۇلاردىڭ ۇستەلى ءۇشىن اقىسى تولەنىپ قويعان!

داياشى اكەلىپ بەرگەن چەكتە بەلگىسىز جومارت جان «تولەندى. روجدەستۆا قۇتتى بولسىن، كەرەمەت وتباسى!» دەپ ىزگى تىلەگىن جازىپ قالدىرعان.

«بىزدەردىڭ اراب ەكەنىمىزدى، مۇسىلمان ەكەنىمىزدى مەيرامحاناداعىلاردىڭ بارلىعى دا ءبىلدى. ويتكەنى، بىزدەر اراب تىلىندە سويلەسىپ وتىردىق. ال، جۇبايلارىمىز مەن قىزدارىمىز ورامال تارتقان ەدى» ، - دەيدى ول.

«ءبىز ءۇشىن الدەكىم اقشا تولەدى جانە ىزگى تىلەگىن قالدىردى. بۇل ارەكەتتىڭ جۇرەگىمدى قالاي تەربەگەنىن ايتىپ جەتكىزە المايمىن. سوڭعى كەزدەگى سوراقى وقيعالار مەن پرەزيدەنتتىككە ۇمىتكەر جاننىڭ مالىمدەمەسى، جابىرلەۋشىلىك پەن زورلىق- زومبىلىق وقيعالارى.. . وسىلاردان اراسىندا وسىنداي ىزگى جانداردىڭ جىلۋىن سەزىنۋ مەن ءۇشىن كۇتپەگەن جاعداي بولدى» .

muslim.kz