استانا اۋەجايىندا ەكى اۋعانستان ازاماتى جالعان تولقۇجاتتارمەن ۇستالدى

استانا. قازاقپارات - وتكەن جىلدىڭ 30 -جەلتوقسانى كۇنى ساعات 04.37 دە «استانا» شەكارالىق باقىلاۋ وتريادىنىڭ شەكارا ناريادى استانا قالاسىنىڭ حالىقارالىق اۋەجايىندا «مينسك - استانا» باعىتىمەن ۆ2775 اۋە رەيسىمەن ۇشىپ كەلگەن جولاۋشىلاردىڭ قۇجاتتارىن تەكسەرۋ بارىسىندا اۋعانستان يسلام رەسپۋبليكاسىنىڭ 1982 -جىلى تۋعان ازاماتىن جانە 1990 -جىلى تۋعان ازاماتشاسىن ۇستادى.

ولار ءبىزدىڭ ەلىمىزگە تاجىكستان ازاماتتارىنىڭ جالعان تولقۇجاتتارىمەن كىرمەك بولعان، دەپ حابارلايدى ق ر ۇ ق ك ش ق باسپا ءسوز قىزمەتى.