سۇلۋلىق زەرتحاناسى: ءتىس اعارتۋدىڭ ەڭ ءتيىمدى ءتاسىلى

اق مارجانداي اپپاق ءتىس كەز كەلگەن ادامعا جاراسادى. ارينە تىستەردى مامانعا كورسەتىپ، اۋرۋلارى بولسا ەمدەتىپ، اراسىندا تازالاتىپ تۇرۋ كەرەك. سونداي- اق تىستەرىڭىزدى ۇيدە دە اعارتۋعا بولادى.

ءتىستىڭ ادەمى، ءتۇزۋ جانە اپپاق بولعانى كىمگە ۇناماسىن؟! ءبىراق ونىڭ سۇلۋلىعى ۇلكەن كۇتىمدى قاجەت ەتەدى.

ءتىس اعارتۋداعى ءبىرىنشى كومەكشى - اس سوداسى دەپ جاتادى. الايدا، ءبىز ءتىس ەمالىن قۇرتىپ الماي، ونىمەن وڭاي كۇرەسۋدىڭ باسقا جولىن ۇسىنامىز. وڭاي، جىلدام جانە پايدالى! ول ءۇشىن:

ادەتتەگىدەي ءتىسىڭىزدى ءتىس پاستاسىمەن جۋىڭىز؛

ودان كەيىن، ءتىس شەتكاسىن جۋىپ، وعان ءبىر- ەكى تامشى شاي اعاشى (چاينوە دەريەۆو) مايىن الىپ تامىزىڭىز؛

ءتىسىڭىزدى ەكىنشى مارتە ىسقىلاپ، جۋىڭىز؛

اۋزىڭىزدى جىلى سۋمەن شايىڭىز.

ءتىسىڭىز جىلتىراپ، اعارا تۇسكەنىن ءبىرىنشى جۋعاننان-اق، بايقاۋعا بولادى.

بۇل ەمدىك شارانى اپتاسىنا 2-3 رەت جاساپ تۇرساڭىز جەتكىلىكتى. ۇزبەي قولدانىسقا ەنگەن بۇل ءادىس كوپ كۇتتىرتپەي - اق، ءسىزدى ارمانداعان اپپاق تىستەردىڭ يەسى ەتەدى. وعان قوسا، اۋىز قۋىسىڭىزدا بالعىندىق ءدامى سەزىلە باستايدى.

ەسكەرتە كەتەيىك، ەشبىر قوسپاسىز وڭدەلگەن شاي اعاشى مايىن ءدارىحانادان ساتىپ الۋىڭىزعا بولادى.