الەمدىك سپورت جۇلدىزدارى جاڭا جىلدى قالاي قارسى الدى؟

استانا. قازاقپارات - بەلگىلى فۋتبولشىلار مەن باپكەرلەردىڭ باسىم بولىگى جاڭا جىلدى وتباسىمەن بىرگە قارسى الدى.

كوپشىلىكتى «رەال» جۇلدىزى كريشتيانۋ رونالدۋ جاڭا جىلدى كىممەن قارسى الادى دەگەن سۇراق مازالادى. يرينا شەيكپەن ارالارى سۋىعان سوڭ پورتۋگالدىق جان سەرىگىن ءالى تابا قويعان جوق. ماروككولىق جۋرناليستەر ونى كيكبوكسشى بادر حاريمەن كەزدەسىپ ءجۇر دەگەندى ايتادى.

ولاردىڭ اقپاراتىنشا، كريشتيانۋ دوسى ءۇشىن مارراكەشتەگى قوناق ءۇيدىڭ ەڭ ءتاۋىر نومەرىن جالعا الدى. الايدا رونالدۋ وتكەن تۇندە «ينستاگرامدا» جالعىز تۇسكەن سۋرەتىن جاريالادى، وندا فۋتبولشىنىڭ وڭ جاعىندا اق كويلەك كيگەن قىزدى كورۋگە بولادى. فوتونىڭ استىنا سپورتشى: «ءاردايىم ماحابباتتى تاڭداڭىز» دەپ جازعان.

اتاقتى دەۆيد بەكحەم 2016 -جىلدى جانۇياسىمەن - جان جارى ۆيكتوريا جانە بالالارى كرۋز، رومەو، حارپەر جانە برۋكلينامەن قارسى الدى.

بارسەلونا قورعاۋشىسى جەرار پيكە جانە ونىڭ سۇيىكتى جارى، بەلگىلى ءانشى شاكيرا ورتاق بەسىنشى جاڭا جىلدى پاريجدە قارسى الدى. اتاپ ءوتۋ كەرەك، وتكەن جىل شاكيرا مەن جەرار ءۇشىن جەمىستى بولدى.

پيكە بارسەلونا قۇرامىندا بەس كلۋب ولجاسىن يەلەندى، سونىڭ ىشىندە چەمپيوندار ليگاسىندا جەڭىسكە جەتتى، ال 2015 -جىلدىڭ باسىندا جۇپتا ەكىنشى ۇلى ساشا دۇنيەگە كەلدى، دەپ جازادى lifenews.ru.