ا ق ش مۇناي نارىعىنان رەسەي، ساۋد ارابياسى مەن يراندى ىعىستىرۋعا شىنداپ كىرىستى
بۇل تۋرالى Bloomberg حابارلايدى.
اقپاراتقا سايكەس، شۆەيتسارياداعى Vitol ساۋدا توبىنا ارناپ، امەريكالىق ConocoPhillips كومپانياسى مۇناي تيەگەن Theo T تانكەرى تەحاستىڭ Corpus Christi پورتىنان ساپارعا شىققان. ال تاياۋ ارادا وسى Vitol توبى ءۇشىن تيەلگەن مۇنايى بار ەكىنشى تانكەر حيۋستوننان جولعا شىعادى.
ەستەرىڭىزگە سالا كەتسەك، وسىعان دەيىن باراك وباما ا ق ش- تىڭ مۇناي ەكسپورتىنا سوناۋ 1975 -جىلى سالىنعان تىيىمنىڭ كۇشىن جوياتىن قۇجاتقا قول قويعان ەدى. تىيىمدى الىپ تاستاۋ ماسەلەسىن رەسپۋبليكالىق پارتيا وكىلدەرى كوتەرگەن. ءبىراق، ولاردىڭ باستاماسىن دەموكراتتار قولداماي قويىپ، بيۋدجەتتىڭ قابىلدانۋى كەشىگە ءتۇستى. باستاپقىدا ا ق ش پرەزيدەنتى باراك وباما شيكى مۇناي ەمبارگوسىن الىپ تاستاۋعا قارسىلىق تانىتتى.
سەبەبى دەموكراتيالىق پارتيا وكىلدەرى ەكولوگيالىق تۇرعىدان تازا بالامالى قۋات كوزدەرىمەن جۇمىس ىستەيتىن كومپانيالارعا كوبىرەك قولداۋ كورسەتۋگە دايىندىعىن مالىمدەگەن بولاتىن. تەحاس شتاتىنىڭ وكىلى، سەناتور دجو بارتوننىڭ ايتۋىنشا، ا ق ش- تا «الەمدەگى ەڭ وزىق تەحنولوگيالار مەن ەڭ جاقسى مۇناي بار» جانە ول وسى ارقىلى رەسەي، ساۋد ارابياسى مەن يراندى مۇناي نارىعىنان ىعىستىرىپ جىبەرەدى. قازىر ا ق ش قورىندا 486 ميلليون باررەل مۇناي بار.
www.24.kz
