ايەل كۇيەۋى جاسىرعان بىرنەشە مىڭ ەۋرونى ابايسىزدا لاقتىرىپ جىبەردى

استانا. قازاقپارات - گەرمانيا تۇرعىنى بايقاۋسىزدا وتباسىلىق بيۋدجەتتى شىعىنعا باتىردى. نيۋرنبەرگتە تۇراتىن ايەل ءوزىنىڭ ەسكى سومكەسىن قولدانىلعان زاتتاردى قابىلداۋ پۋنكتىنە وتكىزەدى.

ول سول ساتتە سومكەدە ەشنارسەنىڭ جوقتىعىنا سەنىمدى بولعان. ءبىراق، ارتىنشا كۇيەۋى سومكەنى ىزدەپ، بايبالام سالعان، دەپ حابارلايدى The Local. كوڭىلى تىنشىماعان وتاعاسى پوليتسياعا شاعىمدانىپتى.

پوليتسيانىڭ ايتۋىنشا، 55 جاستاعى ەر ادام ولاردان جوعالعان سومكەدەگى اقشانى تاۋىپ بەرۋىن ءوتىنىپ، ازار دا بەزەر بولىپتى. وتاعاسى «بۇل قاراجاتتى ءبىر ءىرى زات ساتىپ الۋ ءۇشىن» تىرنەكتەپ جيناپ كەلگەندىگىن ايتتى. ءبىراق، ايەلىنە بۇل تۋرالى ءلام دەپ، ەشتەڭە ايتپاعان. اقىرى ەر ادام زات قابىلداۋ پۋنكتىنە كىرۋگە رۇقساتپەن كەلىپ، قوقىس سالىنعان العاشقى ەكى كونتەينەردى تەكسەرەدى. ول كەلگەن كەزدە كوممۋنالدىق قىزمەت بۇل كونتەينەرلەردىڭ ىشىندەگىسىن ورتەپ جىبەرگەن بولىپ شىقتى. ءۇمىتى ۇزىلمەگەن قوجايىن قوقىس سالىنعان تاعى 2 كونتەينەردى اقتارىستىرىپ، اقىرى سوڭعىسىنان اقشاسىن تابادى. مۇنان ەرلى- زايىپتىلاردىڭ توبەلەرى كوككە ءبىر ەلى جەتپەي قالىپ، جوقتى تابىسقان ءتارتىپ ساقشىلارىنا العىستارىن جاۋدىرىپتى.

www.24.kz