قىتايدىڭ ورتالىق بانكى مەشىننىڭ سۋرەتىمەن مەرەكەلىك مونەتا شىعارماق

استانا. قازاقپارات - جاھان جۇرتشىلىعى جاڭا جىلدى قارسى الىپ، تويلاپ جاتىر.

الەمنىڭ ءار ەلىندە بۇل مەرەكە ءارقالاي اتالىپ وتىلەدى.

قىتاي حالقىنىڭ اڭىزدارى مەن ءافسانالارىندا مايمىل قادىرلى جانۋار سانالادى. سوندىقتان بيىلعى مەشىن جىلى مەرەيلى بولادى دەپ سەنەدى قىتتايلىقتار. شىعىس كۇنتىزبەسى بويىنشا 2016 -جىل وتتى مەشىن جىلى سانالادى. نەگىزى قىتايلىقتار ءۇشىن جاڭا جىل اقپاننىڭ 8 ى كۇنى كىرەدى. سوندىقتان بولار بەيجىڭدە قازىر جاپپاي تويلاتىپ جاتقان حالىق كورىنبەيدى.

ويتكەنى قىتايلار ءۇشىن شاعان مەرەكەسىنىڭ ورنى ايرىقشا. دەسە دە، تابالدىرىقتان ەندى اتتاعان جاڭا جىلدى قىتاي استاناسىندا جۇرگەن شەتەلدىك ازاماتتار مەن كەيبىر جاستار اتاپ ءوتتى. وتكەن اپتادا عانا روجدەسۆتوعا وراي لاڭكەستىك ارەكەتتەر بولۋى مۇمكىن دەگەن سانليتۇن اۋدانىندا قاۋىپسىزدىك شارالارى كۇشەيتىلگەن. دەگەنمەن بۇل جەردە مەرەكەلىك كوڭىل- كۇي سەزىلەدى، جۇرت وسى جەرگە كەلىپ جاڭا جىلدى قارسى الدى. مۇزداي قارۋلانعان اسكەري جاساق ءالي تولىق تارقاي قويعان جوق. ال قىتايدىڭ ورتالىق بانكى وتتى مەشىن جىلىنا وراي مەرەكەلىك ون يۋاندىق اقشا باسىپ شىعاراتىن بولدى. بۇل تۋرالى مەكەمە ءوزىنىڭ رەسمي سايتىندا جاريالادى. ءبىر بەتىندە مەشىننىڭ سۋرەتى سالىنعان مونەتا 2016 -جىلدىڭ 16 -قاڭتارىندا شىعارىلا باستايدى.

www.24.kz